Lufta vazhdon, por çmimet e patundshmërive në Ukrainë vazhdojnë të ngritën

Pasuritë e paluajtshme në Ukrainë kanë humbur ndjeshëm vlerën e tyre në qytetet pranë vijës së frontit, por çmimet në perëndim të vendit janë ngritur deri në 75 për qind.

Bucha, Irpin, Vorzel dhe zonat e afërta në veri të kryeqytetit të Ukrainës janë vende ku ushtarët rusë akuzohen për vrasje, plagosje, grabitje ose përdhunimin e mijëra civilëve.

Granatimet gjatë pushtimit rus shkatërruan dëmtuan qindra ndërtesa, shpesh duke varrosur të gjallë banorët nga dëmtimi i granatimet.

Vitin e kaluar, ekonomia e Ukrainës ra me një të tretën e vlerës së saj, inflacioni u rrit me më shumë se një të katërtën dhe vetëm ndihma e Perëndimit me vlerë prej miliarda dollarësh paguan faturat e qeverisë së presidentit Volodymyr Zelensky.

Çmimet e apartamenteve në Ukrainën qendrore kanë rënë 25 për qind deri në 30 për qind, por po rriten pasi tregu tregon zhvillim të papritur dhe disa ndërmarrës po zgjerojnë projektet e ndërtimit, që ishin pezulluar pas nisjes së agresionit ushtarak nga Rusia.

“Pavarësisht rënies së të ardhurave, ukrainasit mbajnë rreth 25 miliardë euro në banka dhe midis 60 dhe 100 miliardë euro jashtë tyre”, tha Denis Sudilkovsky, drejtor i marketingut në agjencinë për patundshmëri LUN.

“Një pjesë e konsiderueshme e popullsisë nuk e ka humbur aftësinë dhe vetë idenë për të pasur shtëpinë e tyre”, shton ai.

Pas fillimit të luftës, autoritetet ndaluan regjistrimin e transaksioneve të pasurive të paluajtshme për më shumë se gjashtë muaj. Kur kjo ngrirje përfundoi, shitjet ngecën dhe çmimet e qirave ranë.

Derisa forcat ruse u tërhoqën ose u dëbuan nga zona të mëdha në lindje dhe jug të vendit, shumë ukrainas nxituan të blinin shtëpi të reja.

Më shumë se dy të tretat e ukrainasve janë banorë që jetojnë në vende urbane, të cilat janë ndërtesa që kanë qasje në ngrohje, ujë dhe energji elektrike. /Telegrafi/