Kiara Tito reagon ndaj keqpërdorimit të emrit të saj në rrjete sociale, paralajmëron ndërmarrjen e hapave ligjor

Moderatorja e njohur, Kiara Tito është një prej emrave më të përfolur në mediat rozë.

Pjesëmarrja e saj në edicionin e dytë të Big Brother VIP Albania dhe romanca me Luzi Ejllin po vazhdon të komentohet.

Çifti që u martuan në natën finale të BBVA kohëve të fundit kanë ngjallur dyshimet se janë në pritje të fëmijës së parë.

Madje disa faqe në media sociale kanë shkuar edhe më tej duke pretenduar se Kiara ka komunikuar me ta dhe zbuluar edhe gjininë e fëmijës.

Lexo po ashtu Të gjitha lajmet nga Kiara Tito

Por, për këto lajme të rreme, moderatorja ka reaguar përmes një postimi në llogarinë e saj të Instagramit.

Ajo tha se këto postimet janë të montuara dhe aspak të vërteta, teksa tutja tha se nëse një gjë e tillë nuk ndalet do të detyrohet të ndërmarr hapa ligjor.

“Prej disa kohësh po shoh në rrjetet sociale të ndryshme, kryesisht në TikTok, video të montuara që përdorin emrin tim për të shitur produkte. Nuk janë të vërteta edhe do ju lutesha të ndaloni këtë gjë pasi nuk është fare e bukur!

Përndryshe do më duhet të marrë hapa ligjor! Faleminderit për mirëkuptim”, ka shkruar Kiara. /Telegrafi/