Dy digat në qytetin Darna në lindje të Libisë, që shemben shkaktuan përmbytjen e vendit me mijëra viktima, e ato ishin ndërtuar nga kompanitë e ish-Jugosllavisë.
Digat e ndërtuara në të 70-at me gjasë nuk ishin mirëmbajtur fare. Gjithashtu, vendndodhja vetëm një kilometër mbi qytet nuk ishte adekuate për një vepër të tillë arkitekturore, transmeton Telegrafi.
Qyteti Darna në të kaluarën shpesh është ballafaquar me përmbytje dhe për këtë qeveria vendosi të ndërtojë digat për t’u mbrojtur.
Përmbytjet e mëdha dëmtuan qytetin në vitet 1941, 1959 dhe 1968 e ato në të 50-at janë më shkatërrueset.
Në të 60-at filloi studimi që propozonte ndërtimin e digave, zbatimi i të cilave filloi shumë shpejt. Përmbytjet e vitit 1986 u tejkaluan nga digat e reja dhe uji nuk arriti në qytet.
Diga e sipërme kishte kapacitet prej 1.5 milionë kub libër ujë, derisa tjera deri në 22 milionë. Dikur kompania e ish-Jugosllavisë, sot e Serbisë, Hidroteknika-Hidroenergjetika në ueb-faqen e saj thekson se nga viti 1973 deri më 1977 ka ndërtuar dy digat dhe një sërë objektesh siç janë tunelet dhe stacionet e rezervuarve në rajonin e Darnas.
Nënkryetari i komunës së Darnas pranoi se digat nuk ishin mirëmbajtur që nga viti 2002. Zemërimi i publikut u nxit nga pretendimet në rrjetet sociale se fondet e destinuara për mirëmbajtjen e digës janë devijuar për qëllime të tjera.
Eksperti i digave Muhammad Ahmad kritikoi në mediat libiane “kaosin e sigurisë dhe ngadalësinë e autoriteteve libiane” në lidhje me masat e sigurisë.
Sipas ekspertëve, skenari më i mundshëm i shpërthimit të digës është shembja graduale fillimisht e digës së sipërme dhe më pas të poshtme.
Reshjet ekstreme të shiut dhe mënyra se si u ndërtua diga kontribuan në fatkeqësi. Digat libiane janë bërë nga materiale të disponueshme në rajon – balta dhe gurë. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Putini vazhdon me ‘pastrimin e ushtrisë’, viktima e radhës është zëvendësi kryesor i gjeneralit Gerasimov
“Ndëshkim” për “aktet separatiste”: Kina provokon situatën përsëri, fillon stërvitjet dyditore ushtarake rreth Tajvanit
Nikki Haley thotë se do të votojë për Trump në zgjedhjet presidenciale në SHBA
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251