Reagimi i çuditshëm i ministrit rus të Mbrojtjes kur pyetet se a do ta fitojnë luftën në Ukrainë – pamjet bëhen virale

Gazetari i televizionit shtetëror rus Rusia 1, ka arritur ta pyet ministrin e Mbrojtjes, Sergei Shoigu nëse do ta fitojnë luftën në Ukrainë.

Mjaftoi kjo pyetje që ta vë në siklet të parin e ushtrisë, i cili nuk diti se çfarë të bëjë vetëm se të hap duart dhe të thotë “nuk kemi zgjidhje tjetër”, transmeton Telegrafi.

Mjaftoi kjo përgjigje që videoja në platformën X (dikur Twitter) të shpërndahet në masë të madhe dhe të bëhet objekt tallje.

Lexo po ashtu Me Leopardin gjerman, ukrainasit arritën të fitojnë betejën kundër dy tankeve ruse – një prej tyre u godit direkt nga tre kilometra

Madje edhe këshilltari i ministrit të Brendshëm ukrainas, Anton Gerashchenko e postoi në profilin e tij momentin e sikletshëm, kur Shoigu hap duart por jo edhe kur thotë se “nuk kanë zgjidhje tjetër”.

Kjo është një dëshmi tjetër se Rusisë nuk i ka dalë plani siç e kishte menduar – se do të arrijë ta pushtojë Ukrainën për pak ditë.

Përkundrazi, ukrainasit kanë arritur t’i shkaktojnë humbje të mëdha forcave ruse si në makineri luftarake ashtu dhe në personel. /Telegrafi/

Shoigu was asked whether Russia will win.

Watch for his answer. pic.twitter.com/IIJgM4j2mr

— Anton Gerashchenko (@Gerashchenko_en) September 13, 2023