CIA përpiqet të rekrutojë zyrtarë rusë me video për të vërtetën

Agjencia Qendrore e Inteligjencës e SHBA-së (CIA), e cila po përpiqet të rekrutojë më shumë rusë si spiunë, ka publikuar një video të re që synon zyrtarët e Moskës.

Drejtori i CIA-s, William Burns, tha në muajin korrik se pakënaqësia mes disa rusëve për luftën në Ukrainë po krijonte një mundësi të rrallë për të rekrutuar spiunë dhe agjencia po mundohet ta shfrytëzojë këtë moment.

Agjencia publikoi një video në gjuhën ruse në rrjetet sociale me titullin “Pse e kontaktova CIA – për veten time”, raporton skynews.

Почему я пошел на контакт с ЦРУ: Ради себяhttps://t.co/mhQbzet5X2 pic.twitter.com/OpOHh1PQ92

— CIA (@CIA) September 7, 2023

“Kam këmbëngulur se ishte e paskrupullt të shtrembërosh të vërtetën në raportime, por ata që avancuan në rangje ishin pikërisht ata që e bënë këtë. Më parë besoja se e vërteta kishte njëfarë vlerë”, dëgjohet duke thënë një zë në rusisht.

Videoja tregon një aktor që luan një zyrtar rus duke hyrë në një ndërtesë të qeverisë së Rusisë dhe shkel mbi shqiponjën ruse dykrenore.

“Ata përreth jush mund të mos duan të dëgjojnë të vërtetën. Por, ne e dëgjojmë”, thuhet në video përpara se të jepen detaje se si të kontaktohet CIA, selia e së cilës gjendet në Langley, Virginia.

Pas dështimeve të mëdha të sulmeve të 11 shtatorit dhe luftës së SHBA-së në Irak, agjencitë e inteligjencës amerikane dhe britanike shpallën një fitore të inteligjencës mbi pushtimin rus të Ukrainës duke zbardhur shumë më përpara planet e Kremlinit. /Telegrafi/