Ronaldo për transferimet në Arabinë Saudite: Para gjashtë muajsh më morët për të çmendur

Cristiano Ronaldo sot ka dal në konferencë për media ku ka folur në lidhje me rivalitetin me Lionel Messi, ndërsa është rikthyer të flasë edhe për Arabinë Saudite.

Ky vend ka shpenzuar miliona pafund, duke tërhequr disa emra të tjerë të mëdhenj në kampionatin vendas, normalisht pasi shkoi Cristiano Ronaldo.

“Kampionati saudit është i bukur, por ju gjykoni pa i parë ndeshjet. Është një ligë e mirë dhe e fortë. Po e shihni vetë se çfarë po ndodh me afatet kalimtare dhe afrimet”, ka thënë Ronaldo.

Portugezi i famshëm e ka kujtuar deklaratën e tij të dhënë para disa muajsh, kur kishte thënë se Superliga e Arabisë do të kthehet në pesë kampionatet më të forta në botë.

“Unë e dija se do të ndodhte kështu në Arabi. E thashë gjashtë muaj më parë, por më morën për të çmendur…”.

“Por, në fund të fundit po rezulton se i çmenduri nuk është kaq i çmendur. Dhe po rezulton të jetë normale të luash në Arabinë Saudite”.

Lexo po ashtu “Nëse pëlqen Cristianon, nuk duhet ta urresh Messin” – Ronaldo vjen me deklaratë të bujshme për rivalin historik argjentinas

“Për mua ishte një privilegj i madh të ndryshoja kulturën e një vendi në aspektin futbollistik dhe të shihja yje të mëdhenj të shkojnë në Arabinë Saudite”, ka thënë sulmuesi i Al-Nassr. /Telegrafi/