Armë në këmbim të mosnjohjes së Kosovës? Von Cramon thotë se kjo mund të ketë qenë “marrëveshja” që Vuçiq të takohet me Zelenskyn

Eurodeputetja, Viola von Cramon ka komentuar takimin ndërjet presidentit ukrainas, Volodymyr Zelensky dhe presidentit serb, Aleksandar Vuçiq.

Von Cramon tha se takimi i tyre mund të jetë zhvilluar për një marrëveshje mbi armët në këmbim që Ukraina të mos e njoh pavarësinë e Kosovës.

Këto komente eurodeputetja i bëri përmes një postimi në platformën “X”.

Lexo po ashtu “Ukraina duhet ta njohë pavarësinë e Kosovës”, deputeti ukrainas reagon pas takimit Zelensky-Vuçiq në Athinë

“Saktë: ka shumë gjasa që Aleksandar Vuçiq ra dakord të takohet me Volodymyr Zelenskyn për të ushtruar kryesisht presion Ukrainës, armët për mosnjohjen e Kosovës. Unë shpresoj se Zelensky kupton se çfarë rreziku politik mund të sjellë një marrëveshje e tillë. Pavarësia e Kosovës dhe stabiliteti janë gjithashtu në interes të Ukrainës”, shkroi von Cramon.

Zelensky është takuar sot me Vuçiqin në Athinë në kuadër të një darkë joformale që e ka organizuar kryeministri grek. /Telegrafi/

Exactly: very likely that @avucic agreed 2meet with @ZelenskyyUa to mainly put pressure on 🇺🇦: weapons for non-recognition of Kosovo.
I do hope that @ZelenskyyUa understands which political risk might such a deal entail. 🇽🇰 independence & stability are also in 🇺🇦 interest https://t.co/Gxa7AqazGR

— Viola von Cramon 🇺🇦🇪🇺🇮🇱 (@ViolavonCramon) August 22, 2023