“Është hera e parë” – Pioli tregon pse është ‘aq i lumtur’ me Rafael Leaon

Stefano Pioli lavdëroi sulmuesin Rafael Leaon gjatë konferencës së tij për shtyp pas ndeshjes së hënës ndaj Bologna.

Kuqezinjtë e nisën sezonin e ri të Serie A me një fitore 2-0 ndaj Bolognas në Stadio Dall’Ara të hënën mbrëma.

Pioli lavdëroi Leaon gjatë intervistës së tij me DAZN pas fishkëllimës së fundit dhe vazhdoi të komplimentonte portugezin gjatë konferencës së tij për shtyp pas ndeshjes.

📣 Everywhere ❤️🖤#SempreMilan pic.twitter.com/sJIY5wt5Rt

— AC Milan (@acmilan) August 21, 2023

“Jam shumë i lumtur sepse mendoj se është hera e parë që Leao ka ngërçe. Kur keni ngërçe, do të thotë se keni dhënë gjithçka”, ka thënë fillimisht Pioli.

“Nuk dua t’i shoh lojtarët që kthehen në shtëpi duke thënë ‘Zotëri nuk jam i lodhur, mund të jap ende diçka’. Dua lojtarë që duhet të lirohen sepse kanë ngërçe”.

“Rafa ka superfuqi, por mund të ketë edhe ngërçe nëse vrapon gjatë gjithë lojës”, përfundoi trajneri i Milanit.

Lexo po ashtu Leao i bindur për të ardhmen e ndritur: Do ta fitoj Ligën e Kampionëve dhe Topin e Artë

Portugezi ishte i rraskapitur dhe e ka larguar topin menjëherë pas fishkëllimës së fundit, i shtrirë në tokë për shkak të lodhjes.

Leao luajti ndeshjen e tij të parë konkurruese me fanellën nr.10, të cilën e mori pas kthimit të Brahim Diaz në Real Madrid në fillim të kësaj vere. Kuqezinjtë shënuan dy gola në 21 minutat e para përmes Olivier Giroud dhe Christian Pulisic.

Djemtë e Piolit luajnë ndeshjen e dytë të sezonit në Serie A të shtunën kundër Torinos në San Siro, në debutimin e tyre në shtëpi në sezonin 2023/24. /Telegrafi/