Të paktën 850 persona konsiderohen të zhdukur pasi zjarri përfshiu Maui, Hawaii

Një total prej 850 personash janë ende të zhdukur pas zjarreve vdekjeprurëse në Maui, Hawaii.

Kryetari i qytetit, Richard Bissen tha se ishte “i trishtuar dhe i lehtësuar rreth këtyre shifrave”.

Lexo po ashtu Filmohet shkaku i mundshëm i zjarrit që shkatërroi një pjesë të Hawaiit

Ai tha se kishte frikë se më shumë se 2000 njerëz ishin të zhdukur, por se 1285 njerëz janë gjetur të sigurt, raporton skynews.

Të paktën 114 persona janë konfirmuar të vdekur pas zjarreve, më vdekjeprurësit në historinë moderne të SHBA-së, shtoi Bissen.

Presidenti amerikan, Joe Biden ka ndërprerë pushimet në Liqenin Tahoe dhe ka fluturuar drejt Hawaiit.

Vetë lideri amerikan tha se nuk donte të udhëtonte në Maui derisa të sigurohej se nuk do të ndërhynte në përpjekjet e reagimit emergjent.

Lexo po ashtu Zjarret në Hawaii: Çfarë i shkaktoi flakët vdekjeprurëse dhe a është ndryshimi i klimës fajtor?

Kjo vjen pasi kreu i Agjencisë së Menaxhimit të Emergjencave, Maui dha dorëheqje të papritur – një ditë pasi tha se nuk ishte penduar që nuk kishte përdorur sirenat për të paralajmëruar banorët për zjarret.

Disa banorë të Mauit thonë se jetët mund të ishin shpëtuar nëse do të kishin rënë sirenat e urgjencës, por agjencia vendosi të mos i përdorte ato, duke thënë se ato do të kishin qenë joefektive dhe konfuze. /Telegrafi/