Së paku 10 kompani të lidhura me Milan Radoiçiqin dhe Zvonko Veselinoviqin, të gjitha veprojnë në shërbim të Qeverisë së Serbisë

Më shumë se dhjetë kompani janë të lidhura me Zvonko Veselinoviqin dhe Milan Radoiçiqin, dy biznesmenë kontrovers ndaj të cilëve Departamenti amerikan i Thesarit vendosi sanksione gati dy vjet më parë.

Mediet serbe raportojnë se të paktën pesë kompani drejtohen në emër të tyre, pra kompania e tyre më e madhe “Inkop”, ndërsa të paktën po aq janë të lidhura drejtpërdrejt ose tërthorazi me to.

Veselinoviq dhe Radoiçiq janë të lidhur me vepra të ndryshme kriminale – nga trafiku i drogës, përmes përfshirjes në vrasjen e Oliver Ivanoviqit, deri te nxjerrja e paligjshme e zhavorrit dhe nuk dihet nëse ata janë dënuar ndonjëherë.

Si nënkryetar i Listës Serbe, Radoiçiq është drejtpërdrejt i përfshirë në politikë, ndërsa Veselinoviq u përfol se ka financuar fushatën e partisë SNS. Aleksandar Vuçiq ka mohuar vazhdimisht se ka lidhje me të, duke thënë se ata nuk kanë dëgjuar kurrë me njëri-tjetrin dhe se janë parë dy herë në Kosovë.

Megjithatë, kompanitë e Veselinoviqit dhe Radoiçiqit funksionojnë sikur të ishin të regjimit. Sipas një hulumtimi të mëparshëm të të përjavshmes NIN, suksesi i tyre në biznes është aq i madh saqë ata ia kaluan edhe kompanive të Miroslav Miskoviqit.

Të paktën pesë kompani janë në pronësi të drejtpërdrejtë të tyre. Në veçanti, në emër të tyre është kompania “Inkop” nga Çuprija, përmes së cilës kanë hyrë në botën e biznesit legal, ndërsa aksion ka edhe Zarko Veselinoviq, vëllai i Zvonkos, i cili po ashtu është nën sanksionet amerikane.

Lexo po ashtu Të lidhur me krimin e organizuar dhe korrupsionin – Departamenti amerikan i Thesarit sanksionon disa individë edhe biznese në Kosovë

“Inkop” ka qenë i angazhuar në projekte të mëdha shtetërore në disa raste, zakonisht si nënkontraktor. Në atë rol, ai u gjend në ndërtimin e korridorit 11 dhe rrugëve të tjera në Serbi. Kjo kompani është pronare e katër kompanive të tjera. Në mesin e tyre është edhe “Betonjerka Aleksinac”, e cila është blerë nga Radoiçiq dhe Veselinoviq në shtator të vitit 2019.

Siç ka shkruar më parë NIN, ajo kompani nuk ka pasur të ardhura me vite të tëra, vetëm për t’u ringjallur fjalë për fjalë brenda natës dhe për vetëm tre muaj regjistroi rreth 100 mijë euro.

Në listën e kompanive “Inkop”, pra dyshes nga Kosova, janë “Dolly Bell” dhe “Novi Pazar Put”, si dhe “Velmort trans plus”. Përveç kësaj të fundit, të gjitha kompanitë e tjera të listuara të Radoiçiq dhe Veselinoviq janë në listën e zezë të SHBA-së.

Lexo po ashtu Milan Radoiçiq dhe Zvonko Veselinoviq me pasuri marramendëse – mediet opozitare serbe raportojnë për punët e pista të dyshes kriminale që gjenden në listën e zezë të SHBA-së

Në pronësi të tyre ka qenë edhe kompania “Putna Izgradnja Novi Pazar”, nga Zubin Potoku, e cila në ndërkohë është likuiduar. Po ashtu, kompania “Chivija Komerc”, e cila po ashtu është nën sanksionet e SHBA-së, është fshirë nga regjistri i Agjencisë së Regjistrave Ekonomik.

Me Veselinoviqin janë të lidhura edhe dy kompani të tjera, “SZTR Prizma” dhe “Ferrari – Shoqëria për Shërbimet dhe Tregtimin e Automjeteve të Përdorura”, të cilat Ministria e Financave konstatoi se ishin nën kontrollin e saj.

Në anën tjetër, sipas vlerësimit të tyre, nën kontrollin e vëllait të tij Zarko janë edhe tri kompani të tjera – “Zarko Veselinović” dhe STR “Kristal”, me seli në Kosovë dhe “Nautika Centar” me qendër në Kroaci. Megjithatë, kjo nuk është e gjitha. Bashkëshortja e Zvonkos – Ljiljana Bozhoviq është bashkëpronare e kompanisë “Bioroganika Beograd” dhe ka pasur pjesë në kompaninë “Storenergy” nga Kragujevaci, e cila është në bashkëpronësi të kumbarit të Vuçiqit, Nikola Petroviq.

Duke gjykuar nga të dhënat nga APR, ajo transferoi ose shiti pjesën e saj të pronësisë te Petroviq, i cili tani zotëron 60 për qind të kompanisë. Po ashtu, një pjesë e kompanisë “Granit Peščar” nga Ljigu ishte në pronësi të Veselinoviqit dhe Petroviqit, por tani gjithçka menaxhohet nga “Nukelus” nga Lazarevaci.

Lexo po ashtu SHBA-të e futën në listën e zezë, dyshohet se është i përfshirë në vrasjen e Oliver Ivanoviqit - Radoiçiq i duartroket Vuçiqit në Parlamentin e Serbisë

Veslinoviq dhe Radoiçiq nuk ishin të njohur për publikun e gjerë, derisa u bë e ditur se ata ishin në listën e të dyshuarve për përfshirje në vrasjen e Ivanoviqit. Në fund të vitit të kaluar, SHBA vendosi sanksione ndaj tyre, duke deklaruar se i përkasin rrjeteve korruptive të lidhura me krimin e organizuar ndërkombëtar.

Në një deklaratë të publikuar në faqen e Departamentit amerikan të Thesarit, thuhet se Veselinoviq është lider i një grupi të organizuar kriminal dhe se ai është një nga figurat e korruptuara më famëkeqe në Kosovë.

Grupi i tij kriminal thuhet se është i përfshirë në një skemë të gjerë ryshfeti, me zyrtarë të sigurisë së Kosovës dhe Serbisë që lehtësojnë tregtinë e tij të paligjshme të mallrave, parave të drogës dhe armëve ndërmjet Kosovës dhe Serbisë.

Edhe Britania e Madhe vendosi sanksion ndaj Veslinoviqit dhe Radoiçiq. Për Radoiçiqin, britanikët pretenduan se ai përfitonte nga abuzimi me kontratat shtetërore dhe se ai përdori ndikimin e tij për t’i dhënë kontrata fitimprurëse kompanive të ndërtimit që zotëronte. Në shpjegim thuhej se Veselinoviq përdorte kontrata publike për të përvetësuar fondet shtetërore. /KP/