Shtatzënia dhe vapa nuk shkojnë edhe aq mirë bashkë – vera është e rehatshme për shkak të fustaneve të lehta dhe të lirshme, por temperaturat e larta nuk janë të lehta për t’u duruar gjatë shtatzënisë
Nuk ka rëndësi nëse jeni në fillim të shtatzënisë apo nëse është një shtatzëni e avancuar – sado që ne e duam verën, vapa nuk është e lehtë dhe mund t’i vështirësojë problemet e shtatzënisë.
Për t’ju ndihmuar të përballoni temperaturat e larta, lexoni këto dhjetë këshilla nga portali gjerman i prindërve Familie.de, përcjell Telegrafi.
1. Pini mjaftueshëm lëngje
Ju ndoshta e dini se është e nevojshme të pini 2 litra ujë në ditë dhe të shtoni limonadë, lëngje natyrale dhe çaje të ftohta.
2. Ftohni këmbët e ënjtura
Duke qenë se temperaturat e larta zgjerojnë enët e gjakut, shtatzënat nuk janë të vetmet që kanë këmbët e tyre të rënda sikur të jenë prej plumbi. Megjithatë, në tremujorin e fundit, kthimi i gjakut nga këmbët në zemër është veçanërisht i vështirë. Përveç kësaj, te femrat në pritje të bëhen nëna shfaqet gjithashtu mbajtja e pakëndshme e lëngjeve. Kjo është arsyeja pse është mirë të vendosni këmbët lart sa herë që keni mundësi. Përdorni xhele ftohëse, ecni dhe bëni ushtrime të lehta.
3. Bëni punët tuaja në mëngjes
Shmangni diellin e mesditës dhe nxehtësinë e pasdites dhe përpiquni të bëni gjithçka që keni në orët e hershme të mëngjesit.
4. Përdorni vetëm pambukun
Fustanet e gjera prej pambuku janë veshjet më të mira për vapën e verës, shmangni veshjet e ngushta dhe jo të shtrira.
5. Bëni banja dielli në mënyrë të sigurt
Edhe nëse ndonjëherë dëshironi të bëni banja dielli, atëherë duhet ta merrni atë. Rrezet e diellit ndihmojnë trupin tuaj të prodhojë vitaminë D.
6. Hani vakte të rregullta më të vogla
Gjatë shtatzënisë rekomandohen vakte më të vogla të pasura me minerale dhe ujë. Pra, mbani gjithmonë me vete ushqime të tilla si pemë, fruta të thata, etj.
7. Ndiqni parashikimet
Gjatë shtatzënisë, temperatura e trupit rritet me rreth 0,8 °C për të nxitur rritjen e foshnjës dhe enët e gjakut zgjerohen – këto janë dy shpjegime pse gratë shtatzëna përjetojnë shpesh skuqje në fytyrë. Shmangni shëtitjet e gjata dhe “aksionet” e mëdha gjatë ditëve më të nxehta.
8. Kaloni kohë në ujë
Ju patjetër do të kënaqeni duke u freskuar në ujë. Përfitoni nga çdo mundësi për të notuar në pishinë, liqen apo det.
9. Flini
Natën, flini me sa më pak veshje – do të ndiheni të lirë dhe më pak rroba – trupi është më pak i ngrohtë.
10. Përdorni pajisje inteligjente
Mbani një shishe me ujë në çantë për të ftohur fytyrën, duart ose këmbët, si dhe një ventilator dore. Aplikoni pudër për fëmijë në mes të kofshëve për të parandaluar plasaritjen dhe mbani gjithmonë këpucë të rehatshme. /Telegrafi/
Promo
Reklamo këtuLufta Prigozhin - Putin
Më shumëNjë zonjë misterioze vodhi vëmendjen në Met Gala, njerëzit thonë se ishte e veshur më së miri
Trendet më të bukura të grimit që u shfaqën në Met Gala 2024
Urinimi në shtrat
Nëse edhe ju keni akne në prapanicë ndoshta është koha që të mos bartni këtë pjesë rrobash
Anna Wintour me një fustan që femrat e adhurojnë, dizajni do të jetë hit gjatë ditëve të ngrohta
Dermatologia e Kendall Jennerit zbulon: Ja se si njëherë e përgjithmonë t’i eliminoni aknet nga shpina!
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Dy ushtarakë e poshtërojnë Vladimir Putinin - nuk pranojnë ta përshëndesin presidentin rus
Mësohet arsyeja pse nuk ndërhyri VAR-i te goli i anuluar i Bayern Munichut ndaj Real Madridit
Besa dështon ta kualifikojë Shqipërinë në finalen e "Eurovision 2024"
Granit Xhaka, lojtar i ndeshjes Bayer Leverkusen 2-2 Roma: Statistikat e tij janë fantastike
Lista e 50 klubeve më të vlefshme të futbollit: Man Utd lë pas Real Madridin, ngjiten klubet e MLS
Teuta Selimi injoron tërësisht raportimet në media për dhunën nga burri dhe vëllai - paralajmëron koncertin e radhës në Zvicër