Jennifer Lopez dhe Ben Affleck nuk i largojnë dot duart nga njëri-tjetri, teksa festojnë njëvjetorin e martesës

Jennifer Lopez dhe Ben Affleck u panë duke shijuar një darkë romantike në Los Angeles të dielën në mbrëmje.

Për të festuar një vjetorin e martesës së tyre në Giorgio Baldi në Santa Monica, këngëtarja, 53 vjeçe, kishte veshur një minifustan të bardhë, të stolisur me dizajne të ndërlikuara të përbërë nga diamantët e rremë.

Aktorja veshi gjithashtu një palë këpucë me taka, me platformë argjendi për t’u përshtatur me detajet verbuese si dekoret e fustanit të saj pa mëngë gjysmë të tejdukshëm, shkruan DailyMail.

53-vjeçarja u pa duke mbajtur një çantë të vogël ngjyrë jeshile me një rrip të hollë të lidhur me zinxhir.

Teksa dolën nga vetura dhe hynë në restorantin me të famshëm, çifti i lumtur, dukeshin më se të dashuruar se kurrë.

Për bizhuteri, interpretuesja e hitit “On The Floor” zgjodhi një palë vathë argjendi, një byzylyk me rruaza dhe, natyrisht, unazën e saj mahnitëse të martesës.

Ajo i la flokët e saj brune në valë të lirshme, të cilat ishin të ndara në mes.

J-Lo kishte aplikuar një makijazh magjepsës në fytyrë që karakterizohej nga ngjyra kafe.

Kur këngëtarja me origjinë nga New Yorku doli nga makina, Affleck ishte aty për ta përqafuar me shpejtësi dhe për të udhëhequr rrugën me duart e tyre të ndërthurura.

Për darkën e tyre të përvjetorit, ylli i filmi “Gone Girl” kishte veshur një kostum tërësisht të zi.

Ai kishte veshur një bluzë të zezë të rastësishme me mëngët të përveshura.

Për aksesor, ai kishte një byzylyk të lidhur me zinxhir argjendi dhe unazën e tij.

Ai e përfundoi pamjen e tij për rastin special me një palë këpucë me material lëkure me shkëlqim.

Çifti përndryshe u martuan verën e vitit të kaluar në një dasmë megalomane. /Telegrafi/