Tahiri: Përgjimet janë shumë serioze, dorëheqja e Qeverisë është më e pakta që mund të bëhet

Kryetari i Grupit Parlamentar të AAK-së, Besnik Tahiri, ka reaguar pas publikimit të një audio-incizimi, në të cilën dëgjohet Shefja e GP-së së Vetëvendosjes, Mimoza Kusari Lila, duke folur me Igor Simiqin e Listës Serbe.

Në një konferencë për media, Tahiri ka theksuar se kjo që ka ndodhur është serioze dhe dorëheqja e Qeverisë është më e paktë që mund të bëhet.

“Përgjimet e sotme janë shumë serioze, jo se është publikuar kjo bisedë por sepse aty shpërfaqet një marrëveshje që ka qenë marrëveshje nga dita e parë e kësaj qeverie. E dyta ajo që duhet fillimisht t trajtojmë serioz është se temat që janë diskutuar në këtë takim janë të interesit shtetërore dhe shkeljet janë flagrante si në aspektin e ligjit dhe moralit”, ka deklaruar Tahiri.

Ai shtoi se do të kërkojnë sqarime nga shefi i ekzekutivit, pasi e konsiderojnë të rëndë koordinimin e LVV-së me Listës serbe për veteranët.

“Ne si AAK kërkojmë përgjegjësi nga kryeministri që të në na jap sqarime për këto përgjime. Ju e dini që aspekti i rrymës është tema më korruptive, e dyta për AAK është e pa imagjinueshme që në një takim të tillë të diskutohet koordinimi për veteranët. Shihet shumë qartë që ky relacion ka qenë sekret në mesë dy subjekteve politike, ndërsa është trumbetuar se nuk ka koalicion ndërmjet VV dhe Listës serbe. A jeni duke e parë që në këtë qeveri nuk ka moral politike, akuzat që janë drejtuar ndaj subjekteve politike kanë qenë goditje e ulëte. Dorëheqja është më e pakta që duhet të ndodhë, kjo tregon fytyrën e vërtetë të kësaj qeverie”, ka thënë Tahiri.

Lexo po ashtu Kusari-Lila mohon se ka komunikuar me Radoiçiqin, për Simiqin thotë se biseda ka qenë për agjenda parlamentare

Ndërsa, Kusari-Lila tha se nuk ka komunikuar asnjëherë me nënkryetarin e Listës serbe, Milan Radojçiqin, i cili ka urdhërarrest nga Policia e Kosovës.

Për të njëjtin, tha se do të arrestohet në momentin që do të kapet nga Policia.

Unë nuk kam as numër, as komunikim me Milan Radoiçiqin. Unë i përmenda, kanë qenë dy përfaqësues këtu që ishin, përderisa gjatë gjithë kohës i kam refuzuar dhe i kam rezistuar komunikimit me të dhe komunikimi çfarë kanë pasur Lista serbe me Milan Radojçiqin është çështje e tyre, e kanë nënkryetar, ai dihet se si është dhe në Qeverinë Kurti është kthyer aktakuza dhe është kthyer urdhërarresti, prandaj edhe në momentin që do të zihet ai do të arrestohet. Prandaj nuk ka ndonjë hapësirë për ndonjë komunikim tjetër në raport me këtë person”, tha ajo./Telegrafi/