Rita Ora tregon këmbët e tonifikuara rrugëve të Londrës, ndërsa shijon një kafe të ftohtë

Ajo së fundmi ka kaluar kohë në Paris për Javën e Modës së ‘Haute Couture’.

Megjithatë, Rita Ora ishte kthyer në Londër dhe po shijonte rrezet e diellit të premten teksa doli për të shijuar një kafe të ftohtë, shkruan DailyMail.

Këngëtarja 32 vjeçe, dukej e pabesueshme teksa shfaqi figurën e saj të tonifikuar me një bluzë ngjyrë blu, e cila i vinte në pah barkun e tonifikuar dhe krahët e saj të hollë.

Ajo e kombinoi atë me një palë pantallona të shkurtra me vija bardhë e zi, të cilat theksonin të pasmet e saj dhe nxirrnin në pah këmbët e saj të gjata.

Interpretuesja e hitit “You Only Love Me” përfundoi pamjen e saj me një palë sandale baleti të zeza të markës “Miu Miu” dhe syze dielli të mëdha.

Rita ka qenë e zënë duke promovuar muzikën e saj të re dhe në këngën e saj të fundit, “Don’t Think Twice”.

Është kënga e tretë nga albumi i saj i ardhshëm, “You & I”, i cili eksploron rrugëtimin e dashurisë së saj dhe të burrit të saj, taika Waititi.

Rita tha për këngën: “’Don’t Think Twice’ është të mos mendosh dy herë dhe thjesht të kërcesh, në mënyrë romantike”.

Këngëtarja e me origjinë nga Kosova dhe bashkëshorti i saj 47-vjeçar mund të shihen duke kërcyer në një pyll të Zelandës së Re në klipin dramatik të këngës “Don’t Think Twice”.

Kënga e zhanrit eurodance iu pason këngëve “You Only Love Me” dhe “Praising You” me Fatboy Slim.

Rita së fundmi tha se albumi i radhës pasqyron atë se sa është ‘rritur’ ajo gjatë ‘viteve të fundit’.

Këngëtarja shpjegoi se bashkë-kompozimi dhe shkrimi i teksteve për albumin “You & I” nga shënimet e saj në ditar e bëri atë të kuptonte se sa shumë ka ndryshuar në jetën e saj.

Rita u citua nga rubrika Bizare e gazetës The Sun të ketë thënë: “Gjatë viteve të fundit, unë sapo jam rritur. Jeta ime ka evoluar. Fillova të mbaja ditar dhe ato shkrime u kthyen në këngë. Nëse jeni të pambrojtur me këngët tuaja, duhet të jeni të sinqertë”.

“Kjo është magjia. Zhytja në shkrimin e këngëve me këtë album ka qenë një hapje e syve”, tha Rita.

Albumi dokumenton kapitujt e marrëdhënies së saj me bashkëshortin e saj regjisor.

Rita tha në një deklaratë: “Ky album do të thotë vërtet shumë për mua. Është si ditari im i viteve të fundit, është zëri im dhe pasqyron atë se kush jam unë sot”.

“You & I” vjen pas albumit “Phoenix” të vitit 2018, dhe është albumi i parë i Ritës si pjesë e partneritetit të saj të ri me shtëpinë diskografike BMG, e cila i ka dhënë asaj të gjitha të drejtat autoriale të muzikës së saj për projektet muzikore të së ardhmes dhe të kaluarës së saj. /Telegrafi/