Rami Hadar flet për përgatitjet e Kosovës si dhe kundërshtarët për ndeshjet kualifikuese
Përfaqësuesja e Kosovës në basketboll është grumbulluar dhe po kryen stërvitjet nën udhëheqjen e trajnerit të ri Rami Hadar.
Përzgjedhësi i Dardanëve ka folur për aventurën te Kosova, derisa ka thënë se do të mundohet të bëj një ekip kompakt.
Izraeliti ndihet i lumtur dhe i privilegjuar që iu besua kjo pozitë.
“Jam i lumtur që jam këtu. Jam krenar që drejtoj Kosovën. Jam krenar që Federata e Basketbollit më zgjodhi mua për ta drejtuar këtë ekip. Lojtarët erdhën me disponim të mirë dhe me harmoni”.
“I kemi bërë vetëm tri stërvitje dhe është ende herët të themi diçka për basketbollin, më pëlqen qëndrimi i tyre dhe shpresoj ta bëjmë një lojë të bukur po ashtu”, u shpreh fillimisht Hadar për faqen zyrtare të FBK-së.
Ai foli edhe për kundërshtarët e Kosovës në rrethin e tretë parakualifikues të Eurobasket 2025, respektivisht Zvicrën e Danimarkën.
“Mendoj se përpara nesh janë dy ekipe të mira, me lojtarë të mirë dhe të njohur. Por, ne duhet të garojmë, ta bëjmë punën tonë dhe puna ime është që t’i fitojë ndeshjet me Kosovën”.
“Dua ta dërgoj ekipin tek përpjekja maksimale, që lojtarët të luajnë për njëri-tjetrin dhe që të luajnë për flamurin”, përfundoi përzgjedhësi i Kosovës, njëherësh edhe trajner i KB Pejës. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251