Valverde pritet të ketë ndëshkim të rëndë nga La Liga për grushtimin e Baenas

Federico Valverde po përballet me një pezullim prej pesë ndeshjesh në La Liga për goditjen me grusht të Alex Baena të Villarrealit pas rekomandimit të një gjyqtari në Komitetin e Garave të La Ligas, sipas asaj që raporton AS.

Uruguaiani nuk do të përballet me akuza të mëtejshme pasi Baena nuk ngriti akuza kundër tij. Por, nëse vendimi i gjyqtarit të akuzës ratifikohet nga La Liga, mesfushori i Real Madridit do të mungojë në ndeshjet kundër Athletic Bilbao, Almeria, Celta Vigo, Getafe dhe Real Sociedad në fillim të sezonit.

Lexo po ashtu Ndëshkim rekord për Valverden për grushtimin e Alex Baenas

Klubi madrilen është i gatshëm të apelojë vendimin e komitetit të garave nëse ata vazhdojnë të ndalojnë Valverden për pesë ndeshje.

Argumenti i Realit do të përqendrohet rreth mungesës së provave thelbësore për rastin.

Lexo po ashtu Valverde flet për herë të parë pas sulmit të supozuar drejt Baena pas ndeshjes me Villarrealin

Ata gjithashtu do të argumentojnë për mungesën e konsistencës me masat disiplinore të La Ligës kur krahasohen me incidentet raciste të pësuar nga lojtarët e tyre si Vinicius Junior.

Më 8 prill, Valverde dyshohet se goditi Baenën në parkingun në Santiago Bernabeu pas një tallje me fëmijën e tij të palindur. /Telegrafi/