Genc Prelvukaj takon ish-krerët e UÇK-së në Hagë: Burgu dukej shumë i vogël përballë historisë së Thaçit e madhështisë së Veselit

Këngëtari i njohur shqiptar, Genc Prelvukaj, njoftoi së fundmi se ka takuar krerët e UÇK-së në Hagë.

Lajmin e ka bërë të ditur përmes një postimi të shpërndarë me ndjekësit në llogarinë e tij në Facebook.

Ai zbuloi mes tjerash se ka kaluar rreth dy orë e gjysmë me ta, duke shtuar se po vazhdojnë të transmetojnë pozitivitet e dashuri të madhe për vendin.

Postimi i plotë i Prelvukajt (pa ndërhyrje):

“Sot, pata kenaqesine te takoj ne Hage, disa prej krereve te luftes dhe kontribuesit me te medhenj te themelimit te shtetit te Kosoves, Hashim Thaçin, Kadri Veselin, Rexhep Selimin dhe Nasim Haradinajn.

Te forte si shkembinj, me te ri se kurre, te dashur e te çelikte si çdohere tjeter. Dy ore e gjysme qe kaluan sa çel e mbyll syte. Njerez qe transmetonin pozitivet, force dhe dashuri te madhe per vendin.

Unike e shume te lidhur mes vete, krenare e te pathyeshem, secili prej tyre me dha ndjesi pozitive duke reflektuar besimin qe, sikurse edhe cdo beteje tjeter, edhe kete stuhi qe kane para vetes, do ta mposhtin njehere e mire.

Burgu dukej shume i vogel perballe historise se Thaçit e madheshtise se Veselit”. /Telegrafi/