A u rritën sërish normat e interesit të kredive? Flasin nga Banka Qendrore e Kosovës

Banka Qendrore e Kosovës ka mohuar se ka sërish rritje të normës së interesit në kredi gjatë këtyre ditëve, kësisoj norma e interesit në muajit mars dhe prill është e njëjta 6.30% 

Kështu ka bërë të ditur për Telegrafin,  zëdhënësi i Bankës Qendrore të Kosovës, Kushtrim Ahmeti.

“Ju njoftoj se norma e interesit në kredi në dy muajt e fundit mars dhe prill është e njëjta 6.30%”, ka thënë ai.

Normat e interesit në kredi kanë nisur të rriten në shumë vende në botë gjatë muajve të kaluar. Kjo ka ndodhur si rezultat i shtrëngimit të politikave monetare nga bankat qendrore, për shkak të shkallës së lartë të inflacionit.

Lexo po ashtu Bankat shqiptare po rrisin prezencën në Kosovë, zotërojnë 16.9 për qind të tregut

Në Kosovë veprojnë aktualisht 12 banka komerciale dhe vlera e kredive në to ka arritur në mbi 4 miliardë euro. Gjithashtu, Kosova mbetet i vetmi treg i jashtëm ku sektori bankar shqiptar ka arritur të vendosë një prani të qëndrueshme.

Të dhënat nga Shoqata e Bankave të Kosovës tregojnë se pjesa e tregut të dy bankave me kapital mbizotërues shqiptar ka vazhduar të rritet në vitin e fundit.

Në bazë të ligjeve dhe rregulloreve në fuqi, bankat komerciale në Kosovë i përcaktojnë individualisht normat e interesit, bazuar në politikat e tyre afariste, dhe BQK-ja nuk mund të ndërhyjë të to.

Banka Qendrore e Kosovës kishte paralajmëruar se do të ketë rënie të normës së rënieve së interesit në kredi, por që deri tani nuk ka pasur asnjë rënie. /Telegrafi/