Ukraina thotë se trupat e saj kanë avancuar përreth Bakhmutit

Forcat ukrainase kanë avancuar rreth Bakhmutit, tha zëvendësministrja e Mbrojtjes, Hanna Maliar, duke e përshkruar qytetin lindor si “epiqendrën e luftimeve të ashpra”.

Ajo nuk përmendi nëse kishte filluar një kundërofensivë e shumëpritur, transmeton Telegrafi.

Në anën tjetër, ushtria ruse tha se kishte zmbrapsur një sulm të ri në rajonin lindor të Donetskut të hënën.

Bakhmuti ka qenë prej muajsh në qendër të luftimeve të ashpra. Ka pak vlerë strategjike – por është simbolikisht i rëndësishëm si për Kievin ashtu edhe për Moskën.

Pretendimet e së hënës nga Ukraina dhe Rusia nuk janë verifikuar në mënyrë të pavarur.

Në orët e para të së martës, sirenat e sulmit ajror u aktivizuan për disa orë në të gjithë Ukrainën. Në kryeqytetin Kiev, të gjitha raketat – më shumë se 20 – u rrëzuan, thanë zyrtarët e qytetit duke cituar informacionin paraprak.

Në një postim në rrjetet sociale të hënën, Maliar tha se “megjithë rezistencën e ashpër dhe përpjekjet e armikut për të mbajtur pozicionet e tyre, njësitë e tyre ushtarake përparuan në disa drejtime gjatë luftimeve”. /Telegrafi/