Davis drejt largimit nga Bayerni, agjenti i tij thotë se kampioni i Gjermanisë është në kaos

E ardhmja e Alphonso Davis te Bayern Munichu vazhdon të jetë e paqartë.

Mbrojtësi kanadez është pjesë e bavarezëve që katër vite, por duket se ka vendosur për ta bërë një hap tjetër në karrierën e tij.

Real Madrid, Manchester City dhe Paris Saint Germain janë tre top klubet evropiane që kanë shprehur interesim për transferimin e kanadezit në afatin kalimtar veror.

Agjenti i kanadezit, Nedal Huoseh ka thënë se për momentin Bayerni është në kaos total pas largimit të drejtorit sportiv Hasan Salihamidzic dhe shefit të bordit Oliver Kahn.

Lexo po ashtu E duan Real Madridi dhe Man City – deklarohet agjenti i Alphonso Davies

“Është një kohë kaotike te Bayern Munichu. Nuk jam i sigurt se çfarë po ndodh dhe me kë do të kemi punë. Duket se ka shumë paqëndrueshmëri dhe pasiguri në drejtim të klubit”, ka deklaruar Huoseh për Bild.

Davis dëshiron të largohet nga Munichu, por ende nuk e ka vendosur për destinacionin e ri në karrierën e tij.

Lexo po ashtu “Nuk kam familje dhe e dashura ime nuk jeton me mua – kam vetëm pesë miq”, Davies me një rrëfim rrëqethës

Bavarezët nuk do të ishin në gjendje të heqin dorë nga ylli i tyre vetëm nëse vije një ofertë rreth 80 milionë euro.

22-vjeçari këtë edicion ka zhvilluar 38 ndeshje në të gjitha garat duke realizuar tre gola dhe duke asistuar në tetë të tjerë. /Telegrafi/