Si do të dukej një luftë e humbur e Putinit në Ukrainë?

Mediumi prestigjioz britanik Sky News, ka sjellë një version të asaj se “si do të dukej një disfatë ruse – çfarë do të sinjalizonte në të vërtetë fundin e luftës?”.

Dhe në këtë drejtim, ky medium ka marrë përgjigjen e profesor Michael Clarke, ish-drejtor i përgjithshëm i Institutit Mbretëror të Shërbimeve të Bashkuara, përcjell Telegrafi.

Siç thekson mediumi në fjalë, ai ka thënë se të gjitha luftërat janë politike dhe çështja e humbjes do të jetë çështje e gjykimit politik nga të gjithë të interesuarit.

Derisa Ukraina këmbëngul se fitorja, dhe rrjedhimisht humbja për Rusinë, do të arrihet vetëm kur i gjithë territori i saj, i pushtuar që nga viti 2014, të jetë çliruar, mbështetësit perëndimorë të Ukrainës, nga të cilët ajo varet, e mbështesin këtë pozicion, por mund të kenë një këndvështrim tjetër ndërsa ngjarjet zhvillohen.

Nëse trupat ruse do të dëboheshin nga të gjitha territoret që kishin pushtuar që nga 24 shkurti i vitit të kaluar, atëherë kjo do të dukej në Perëndim, në pjesën tjetër të botës dhe për rusët e zakonshëm, pak a shumë si “humbje”.

Por pushtimi imperialist i Vladimir Putinit do të kishte dështuar, Rusia do të kishte paguar një çmim të rëndë për dështimin dhe Krimea – çmimi i madh i presidentit rus nga lufta e vitit 2014 – do të ishte përgjithmonë nën kërcënim dhe e paqëndrueshme.

Një çështje tjetër është se çfarë ndodh më pas në Moskë (dhe Kiev).

“Do të ishte analoge me pushtimin e paligjshëm dhe të çmendur të Saddam Hussainit të Kuvajtit në vitin 1990. Perëndimi e dëboi atë nga Kuvajti në vitin 1991 dhe megjithëse mbijetoi në Irak, ai u dobësua shumë dhe Iraku u thye plotësisht nga lufta e vitit 1991 dhe sanksionet pasuese”.

Andaj, i njëjti fat mund të presë atje Putinin, për sa kohë që ai të mbetet duke kontrolluar Rusinë. /Telegrafi/