Zgjedhja ‘inovative’ e Jennifer Lawrence për tepihun e kuq në Kanë

Jennifer Lawrence mori pjesë në premierën e filmit “Anatomy of a Fall” në Festivalin e Filmit në Kanë dhe për këtë rast ka bërë një zgjedhje të papritur këpucësh që i kombinoi me një fustan të gjatë të kuq.

Tepihu i kuq i Festivalit të Filmit në Kanë nënkupton paraqitje magjepsëse të modës për femrat – fustane të gjata, modele solemne flokësh, stoli, grim e taka të larta – aktorja i kishte të gjitha, përveç artikullit të fundit.

Gjegjësisht, bukuroshja hollivudiane – e cila përveç aftësive në aktrim – nga shumëkush njihet edhe për humorin e saj, zgjodhi diçka “inovatore”.

🔔 | Jennifer Lawrence seen wearing comfortable flip flops underneath stunning red carpet gown https://t.co/MsKAlDF2PX

— LADbible News (@LADbibleUKNews) May 22, 2023

Lawrence mbërriti me një fustan të kuq Christian Dior, ndërsa në këmbë kishte shapka të zeza.

Lexo po ashtu Skandalet dhe momentet më të paharruara të ceremonisë së çmimeve "Oscar" ndër vite

Edhe pse, sipas Vogue, ekziston një rregull i pashkruar që femrat duhet të veshin taka të larta në festivalin e Kanës, aktorja zgjodhi rehatinë në vend të glamurit. Ajo kishte edhe një shall në nuancën e fustanit, së bashku me një gjerdan diamanti dhe grim të lehtë në fytyrë.

a jennifer lawrence de chinelo em cannes, ela sempre representando seus fãs pic.twitter.com/9CPgeUmWME

— jão (@thngergames) May 21, 2023

Jennifer mori pjesë në premierën e filmit të ri “Anatomy of a Fall” në festival dhe duke pasur parasysh se më parë ka ngecur në ngjarje të rëndësishme – përkatësisht në Oscar – duket se këtë herë ka vendosur ta parandalojë me çdo kusht duke bërë zgjedhje të rehatshme. /Telegrafi/