Jo vetëm rritje në numra, por edhe në shpenzime për hotele dhe restorante. Turizmi në Shqipëri këtë vit po i drejtohet një tjetër rritjeje të fortë, teksa instituti i statistikave INSTAT raporton se pranvera e këtij viti pati një rritje të ndjeshme të vizitave dhe net qëndrimeve nga të huajt.
Në shifra absolute, vizitorët e dyfishuar nga Kosova zënë vendin e parë në listën e turizmit ndjekur nga Maqedonia e Veriut, Mali i Zi dhe Italia. Mirëpo, vlen të përmendet një rritje e fortë e hyrjeve në vend nga Gjermania, Turqia, Shtetet e Bashkuara, por edhe Spanja dhe vendet nordike.
Ecuria e fortë dhe e qëndrueshme e turizmit, perceptohet se do të vazhdojë rritjen edhe nga linjat e huaja ajrore, që kanë njoftuar zgjerimin e numrit të destinacioneve, bazën e avionëve dhe frekuencën e fluturimeve, për të shërbyer më shumë të huaj që duan të vizitojnë vendin, por edhe shqiptarë që kërkojnë të shohin destinacionet europiane.
Për periudhën Janar-Mars, mbi 203 mijë net fjetje nga të huaj u regjistruan në strukturat akomoduese të vendit, 23 për qind më shumë se e njëjta periudhë e një viti më parë. Pjesa kryesore ishin të shpërndara në rajonin qendror të vendit, kryesisht në Tiranë dhe Durrës, ndërsa pjesa tjetër e shpërndarë thuajse në mënyrë të barabartë në jug dhe veri të vendit.
Rritja e turistëve u përkthye edhe në një shtim të vizitorëve në muzetë, kalatë dhe parqet arkeologjike të vendit, në një total prej 51 mijë biletash të shitura në tre muajt e parë të vitit. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251