Policia e Kosovës të premten (12 maj) ka arrestuar gjashtë persona të dyshuar dhe ka konfiskuar mbi 12 kg marihuanë.
Gjatë kontrolleve, Policia ka njoftuar se në njërin nga lokacionet, një i dyshuar, në tentim për të ikur, ka kërcyer nga një lartësi e shtëpisë dhe ka pësuar lëndime. I njëjti është dërguar për tretman mjekësor.
Në disa media është raportuar që personi të cilit i është bastisur shtëpia dhe ka kërcyer nga një lartësi është vëllai i ish-deputetes, Shqipe Pantina, tani anëtare e LDK-së.
Lidhur me këtë ka reaguar Shqipe Pantina, duke thënë se “dje emri im dhe i familjes sime është lakuar në disa medie”.
“Është e vërtetë se shtëpia e vëllaut tim është bastisur dje, por është e vërtetë se aty nuk është gjetur asgjë, këtë e ka vërtetuar sot edhe gjykata”, ka shkruar Pantina në një postim në Facebook, transmeton Telegrafi.
Ajo thotë se vëllai i saj nuk akuzohet për asgjë.
“Është e vërtetë se ai ka pësuar lëndime serioze dje, por është e vërtetë se ai nuk ka tentuar t’i ikë arrestimit. Gjysmë i përgjumur (në jerëm) ai ka ngatërruar daljen nga dhoma”.
Më tej ajo ka thënë se “vëllau është jashtë rrezikut për jetë, por me lëndime serioze të boshtit kurrizor. Dua t’i falënderoj mjekët e Emergjencës dhe të Klinikës se ortopedisë spinale për kujdesin e treguar”.
“Mediat e kanë për detyre të informojnë publikun drejt dhe në mënyrë profesionale, por nganjëherë në ngutje për të bërë ‘lajme ekskluzive’ shkelin çdo etikë e parim gazetaresk, siç ndodhi nga disa mediume edhe dje. Sidoqoftë, unë do vazhdoj të angazhohem për lirinë e medias edhe atëherë kur sulmohem padrejtësisht. Çfarë nuk të vret të bën më të fortë!”, ka shkruar Pantina.
Policia e Kosovës, Drejtoria për Hetimin e Trafikimit me Narkotikë, të premten ka vazhduar zbatimit të operacionit policor të realizuar më herët gjatë këtij viti (30 mars, 5 prill e 4 maj). Nga ky operacion janë arrestuar gjashtë persona të dyshuar dhe sekuestruar mbi 12 kg marihuanë.
“Sot, më 12.05.2023, në vazhdën e zhvillimit të operacionit policor ‘Guri’, i zhvilluar në koordinim me organet e drejtësisë (prokurorinë), janë kontrolluar 11 lokacione, ku si provë materiale janë gjetur dhe konfiskuar rreth 12 kg substancë narkotike (dyshohet të jetë marihuanë), 3467 euro, 12.700 lekë (paratë dyshohet janë përfituara nga vepra penale) dhe tri vetura me të cilat është bërë bartja e lëndës narkotike”, njofton Policia e Kosovës.
Policia ka thënë se gjatë kontrolleve, në njërin nga lokacionet, një i dyshuar, në tentim për të ikur ka kërcyer nga një lartësi e shtëpisë dhe ka pësuar lëndime. /Telegrafi/
Lufta Prigozhin - Putin
Më shumëNga Rubrika
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
në Tupallë të Medvegjës mbahet manifestimi “Takimet e Vendlindjes”
Prokuroria jep detaje për plagosjen e katër personave në Lupç të Podujevës
Njëri nga katër të plagosurit në Lupç të Podujevës është në rrezik për jetë
Të shtëna me armë në Lupç të Podujevës, katër të plagosur
Vdes në vendin e punës punëtorja e një furre të bukës në Mitrovicën e Veriut
Ndalohen për 48 orë pesë të dyshuar për rastin e plagosjes në Lupç
Mjeti lundrues pësoi defekt në det, policia shpëton 11 turistë në Vlorë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës