Kryeministri britanik, Rishi Sunak i zhgënjyer nga vendimi i Eurovisionit që të mos e lejojnë Zelenskyn të mbajë fjalim në finale

Kryeministri i Mbretërisë së Bashkuar Rishi Sunak është “i zhgënjyer” nga transmetuesit evropianë që ndaluan dhënien e një mesazh të presidentit ukrainas Volodymyr Zelensky në finalen e Eurovisionit të kësaj fundjave, tha të premten zëdhënësi i Sunak.

Qyteti anglez i Liverpuoolit është nikoqir i festivalit muzikore në vend të fituesit të vitit të kaluar, Ukrainës, që nuk arriti ta mbante për shkak të pushtimit rus, shkruan SkyNews.

Por Unioni Evropian i Transmetuesve (EBU) tha se “rregullat e rrepta” e penguan atë të plotësonin kërkesën e liderit ukrainas për të folur me video, duke argumentuar se konkursi është “jo politik”.

“Kryeministri beson se do të ishte e përshtatshme që presidenti Zelensky t’i drejtohej ngjarjes dhe ne jemi të zhgënjyer nga vendimi i Bashkimit Evropian të Transmetuesve”, tha zëdhënësi i Sunak.

“Vlerat dhe liritë për të cilat po luftojnë Presidenti Zelensky dhe populli i Ukrainës nuk janë politike, ato janë themelore. Vetë Eurovisioni e pranoi këtë vitin e kaluar kur pezulloi pjesëmarrjen ruse nga konkursi”, thuhej tutje.

Finalja do të përfshijë një homazh të veçantë për Ukrainën, me 11 prej artistëve të saj që performojnë duke përfshirë fituesin e vitit të kaluar Kalush Orchestra.

Gjithashtu do të shfaqen videoklipe gjatë mbrëmjes për të paraqitur pjesë të ndryshme të vendit. /Telegrafi/