Situata në ndërmarrjen Elektroenergjetike, financimi shtetëror i Telekom Serbia dhe informacioni që Agjencia për Siguri dhe Informim (BIA), nën udhëheqjen e Aleksandër Vulinit i dha Rusisë për opozitarin Vladimir Kara-Murzën, i dënuar me burg, janë vetëm një pjesë e amendamenteve të reja që janë dorëzuar nga deputetët e Parlamentit Evropian në raportin për Serbinë.
Njëmbëdhjetë amendamente të tjera janë dorëzuar në raportin prej 104 pikash, i cili është miratuar nga Komisioni për Politikë të Jashtme të Parlamentit Evropian (AFET), i cili do të diskutohet në seancën plenare.
Deputetët e Liberalëve, Social Demokratëve dhe të Gjelbërve kërkojnë që raporti të përfshijë “shqetësimet për emërimin e drejtorit të BIA-s, Aleksandar Vulin, i njohur për qëndrimet e tij anti-BE dhe retorikën pro-Kremlinit dhe i cili në të kaluarën ndante informacione me autoritetet ruse për takimet e opozitarët rusë në mërgim”, duke shtuar rastin konkret të gazetarit dhe aktivistit politik Vladimir Kara-Murza, i cili u dënua me 25 viet burg në Rusi.
Ditë më parë, autori i raportit Vladimir Biliqik është shprehur se Serbia mbetet i vetmi vend që nuk është rreshtuar me politikën e jashtme të BE-së sa i përket sanksioneve.
Po ashtu, raporti shpreh shqetësim edhe për uljen e mbështetjes publike për anëtarësimin e Serbisë në BE. Vlerësohet se ky është rezultat i retorikës politike të gjatë anti-BE dhe pro-ruse që “është shpërndarë gjerësisht përmes medieve të kontrolluara nga Qeveria, si dhe nga zyrtarët e Qeverisë dhe dështimi i madh i palës zyrtare për t’u përballur me të kaluarën e Serbisë”.
Eurodeputetët i kanë bërë thirrje BE-së të rishikojë shtrirjen e ndihmës financiare që i jep Serbisë nëse vazhdon të mbështesë regjimet anti-demokratike dhe i bëjnë thirrje Komisionit Evropian të sigurojë që të gjitha shpenzimet e BE-së të jenë plotësisht në përputhje me strategjinë, qëllimet dhe interesat e saj. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Ukrainasit pretendojnë se rusët kanë humbur 1,380 ushtarë dhe 15 tanke në 24 orët e fundit
Disa vende të NATO-s “po lobojnë për më shumë guxim” kur është në pyetje dërgimi i trupave ushtarake perëndimore në Ukrainë
Shtëpia e Bardhë: Presidenti iranian ‘kishte gjak në duart e tij’
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251