Një nënë australiane e cila filloi të bënte deodorantin e saj në kuzhinë pasi kishte frikë se toksinat në markat e njohura po e helmonin fëmijën e saj të porsalindur, tani po bën pasuri të madhe.
Tegiye Mimi-Ozalp, nga Melburni, u përpoq të krijonte një deodorant 100 për qind natyral duke eksperimentuar me përbërësit në shtëpi.
Shpejt e kuptoi se nënat e tjera po kërkonin një produkt të ngjashëm dhe vendosi të fillonte ta shiste atë, transmeton Telegrafi.
Megjithatë, duke qenë se ajo kishte hequr dorë nga puna e saj si kontabiliste kur u bë me fëmijë, kishte frikë se investimi i kursimeve të familjes në një biznes të ri ishte shumë i rrezikshëm.
Në vend të kësaj, ajo kursente 5 dollarë sa herë që shkonte në pazar ose të blinte një kafe. Brenda katër muajsh ajo kurseu 1.500 dollarë dhe vendosi të fillonte biznesin e saj, Saf Organics.
Tani fiton 60,000 dollarë në muaj, dhe thotë se nënat e tjera po kërkojnë vazhdimisht më shumë produkte.
“Gjithçka filloi kur u bëra nënë”, tha Tegiye për Daily Mail Australia.
“Mora një deodorant sprej, pastaj e mora të porsalindurin tim për të ushqyer me gji. Dhe unë mendova, ‘o zot, ky fëmijë po mbytet’ (në tym). Pra, atëherë filloi kërkimi im për një deodorant të mirë. Një deodorant natyral pa tym, një pak ose aspak toksina dhe thjesht nuk kishte një gjë të tillë në atë kohë nëntë vjet më parë”, tha ajo.
Pavarësisht se i shoqi kishte besim në kompani dhe i tha Tegiye-s të ‘mos tregohej budalla’ dhe të përdorte kursimet e tyre, ajo ishte e shqetësuar për pagesat e tyre të hipotekës dhe veturës.
“Fillova të kursej kartëmonedha prej 5 dollarësh. Çdo kafe, çdo udhëtim në supermarket. Më pas fillova të shes gjëra që nuk më duheshin më. Brenda katër muajve kam kursyer 1500 dollarë vetëm në kartëmonedha prej 5 dollarësh”, tha Mimi-Ozalp.
Më pas Tegiye vendosi të fillonte të prodhonte produktin e saj duke blerë përbërës dhe duke krijuar një faqe interneti.
“Në natën e parë që lançuam, shitëm gjithçka që kishim”, theksoi ajo.
Brenda muajit të parë, ata fituan 10,000 dollarë.
Katër vjet më vonë, Tegiye dhe bashkëshorti i saj, dy fëmijët dhe qeni i tyre, vendosën të shesin shtëpinë e tyre në Melburn dhe karvanin në të gjithë vendin, ku zbuluan ‘magjinë e botanikës australiane’.
Më pas ajo lançoi gamën e saj të kujdesit për lëkurën e fytyrës, të frymëzuar nga ilaçet Outback dhe Indigenous Bush.
Tani duke jetuar në shtetin Queensland, Tegiye dhe bashkëshorti i saj, i cili ka dhënë dorëheqje nga puna, shesin rreth 600 deri në 700 produkte në muaj.
Gama përfshin një pastrues, hidratues, serum me vitaminë C, maskë gjumi dhe krem për sytë.
“U larguam nga Australia dhe në një turne indigjene kuptuam se gjithçka që shohim si barërat e këqija është në të vërtetë ilaç shkurre dhe ka kaq shumë veti shëruese”, shpjegoi Tegiye.
Nëna e katër fëmijëve tha se ka ‘shumë’ serume të vitaminës C në Australi që përdorin përbërës të importuar, dhe se ka përbërës ‘shumë më të mirë’ vendas në Australi.
Ajo shtoi se portokallet dhe frutat e tjera agrume – të cilat përdoren zakonisht në serumet e vitaminës C – kanë 14 gram vitaminë C për njësi, ndërsa kumbullat Kakadu në Australi, kanë më shumë se 7000 gram për njësi.
“Ne as nuk kemi qenë në gjendje të mbledhim të dhënat për t’i përdorur ato në marketing, sepse reagimet kanë qenë të çmendura”, shtoi Tegiye.
“Të gjithë thonë se në dy ditë, ju keni vënë re ndryshimin në përdorimin e serumit të vitaminës C. Për sa i përket ngjyrës, strukturës, e bën lëkurën tuaj të duket e mrekullueshme. Është me të vërtetë cilësi e lartë, kështu që vendosëm të përdorim të gjitha njohuritë tona fisnore që kemi fituar gjatë rrugës dhe t’i vendosim në një shishe”, tha ajo për fund. /Telegrafi/
Promo
Reklamo këtuLufta Prigozhin - Putin
Më shumëVetëm dy vende do të mbijetonin pas apokalipsit bërthamor - çka do t'i shpëtonte këto shtete
Pamje që tregojnë sulmin e fundit të ushtrisë ukrainase në Krime
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë
Gjyqi ndaj Trumpit: Ish-avokati i tij e pranon se ka gënjyer shpesh për ta ndihmuar ish-presidentin amerikan
Ukraina sulmon me dronë luftarak Krimenë
Spanja ndalon ankorimin e anijes që thuhet se po transportonte rreth 27 ton eksplozivë drejt Gazës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë