Osmani takohet me emisarin britanik, flasin për zhvillimet e fundit në dialog

Presidentja e Kosovës, Vjosa Osmani gjatë vizitës së saj në Londër, ka takuar të dërguarin special të Mbretërisë së Bashkuar për Ballkanin Perëndimor, Lord Peach.

Osmani në llogarinë e saj zyrtare në Twitter ka publikuar një fotografi nga takimi me Lord Peach, ndërsa ka theksuar se në takim kanë diskutuar zhvillimet e fundit në Kosovë, transmeton Telegrafi.

“Diskutuam zhvillimet e fundit duke përfshirë hapat e rëndësishëm në dialog, integrimin euroatlantik të Kosovës, si dhe domosdoshmërinë për të forcuar më tej lidhjen dhe bashkëpunimin tonë me Britaninë e Madhe”, ka shkruar Osmani.

Osmani para dy ditësh ka marrë pjesë në ceremoninë e kurorëzimit të Mbretit Charles III në katedralen Westminster Abbey.

Gjatë qëndrimit në Britani të Madhe, presidentja Vjosa Osmani ka pasur një bisedë edhe  me presidentin e Gjermanisë, Frank-Walter Steinmeier. /Telegrafi/

While in London, I also met with the UK’s Special Envoy for WB Lord Peach.

We discussed recent developments including important steps in the dialogue, Kosovo’s Euro-Atlantic integration, as well as the necessity to further strengthen our bond & cooperation with the UK. ???? pic.twitter.com/ClwCtMBlz1

— Vjosa Osmani (@VjosaOsmaniPRKS) May 8, 2023