Një 51-vjeçar dhe një vajzë 16-vjeçare u vranë me thikë mbrëmë në Torremaggiore në zonën e Foggia të Italisë.
Sipas asaj që mësohet, vrasësi i dyshuar është babai i viktimës 16-vjeçare. Bëhet fjalë për një 45-vjeçar shqiptar, bukëpjekës, i cili tashmë është ndaluar nga karabinierët.
16-vjeçarja u godit me thikë pasi ndërhyri për të mbrojtur nënën e saj nga agresioni i babait të saj, i cili donte ta vriste.
Nga përplasja u plagos edhe bashkëshortja e vrasësit të dyshuar, e cila tashmë ndodhet në spitalin e Foggia. Nga hetimet e para, motivi i krimit mund të gjurmohet në një lidhje të dyshuar mes 51-vjeçarit dhe gruas së vrasësit të dyshuar.
Krimi ka ndodhur rreth orës dy të mëngjesit dhe mësohet se burri është goditur me thikë në shkallët e pallatit ku po qëndronte. Më pas, vrasësi i dyshuar hyri në shtëpi me qëllim që të vriste gruan e tij, por 16-vjeçarja ndërhyri për të mbrojtur nënën e saj dhe u vra.
Gruaja ka arritur të arratiset dhe të lajmërojë policinë. Kur policia mbërriti në vendngjarje, ata bllokuan 45-vjeçarin, i cili sipas hetuesve po endej në zonë në kërkim të djalit tjetër pesëvjeçar me të njëjtën grua.
Është gjetur arma e vrasjes, një thikë kuzhine. Pesëvjeçari iu besua përkohësisht dajave të tij. /Ora News/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251