Botë Nga Bota Amerika

Të shtëna armësh në Teksas, vriten nëntë persona – sulmuesi qëllohet për vdekje nga policia

Para 2 vitesh

Një person i armatosur qëlloi dhe vrau nëntë persona dhe plagosi të paktën shtatë, në një qendër tregtare në veri të Dallasit dje, tha policia kurse personi i armatosur u vra.

Personi i armatosur, për të cilin autoritetet besojnë se veproi i vetëm, u vra nga një oficer pasi hapi zjarr jashtë dyqaneve Allen Premium në Allen, Teksas, tha shefi i policisë së qytetit Brian Harvey në një konferencë shtypi, transmeton Telegrafi.

Shefi i zjarrfikësve të Allen, Jon Boyd, tha në të njëjtën konferencë për shtyp se departamenti i tij ka dërguar të paktën nëntë viktima me plagë me armë zjarri në spitalet lokale, dy prej të cilëve vdiqën.

Medical City Healthcare, e cila drejton 16 spitale në zonë, tha se qendrat e saj të traumës po trajtonin tetë viktimat e plagosura, të cilët varionin nga mosha 5 deri në 61 vjeç. Nga spitali nuk tha se si ishte gjendja e tyre.

Pamjet televizive nga ajri treguan qindra njerëz duke u larguar me qetësi nga qendra tregtare, e vendosur rreth 40 kilometra në verilindje të Dallasit, pas shpërthimit të dhunës, shumë prej tyre me duart lart ndërsa dhjetëra oficerë policie qëndronin para tyre.

Një dëshmitar okular i paidentifikuar i tha televizionit ABC se personi i armatosur “po ecte nëpër trotuar dhe qëllonte kudo”.

Gjaku mund të shihej në trotuaret jashtë qendrës tregtare dhe çarçafë të bardhë që mbulonin ato që dukej të ishin trupa. Në disa video në rrjetet sociale, sulmuesi shihet i shtrirë në rrugë pasi është qëlluar nga policia.

Disa dëshmitarë okularë e përshkruan sulmuesin si një burrë të veshur me të zeza, me mjete luftarake.

“Kam dëgjuar rreth dhjetë të shtëna, pastaj dhjetë deri në pesëmbëdhjetë të shtëna të tjera – e shohim këtë djalë të veshur me të zeza, të veshur me jelek, vetëm duke qëlluar mbi njerëzit,” tha njëri, duke shtuar “sapo arritëm në pjesën e pasme të dyqanit”. /Telegrafi/

https://twitter.com/jordank73109555/status/1655048480178728961?ref_src=twsrc%5Etfw%7Ctwcamp%5Etweetembed%7Ctwterm%5E1655048480178728961%7Ctwgr%5E6fcb037a1a7848940ad2541e56ec021ef777a0bf%7Ctwcon%5Es1_&ref_url=https%3A%2F%2Fwww.index.hr%2Fvijesti%2Fclanak%2Fvideo-u-pucnjavi-u-teksasu-ubijeno-9-ljudi-samo-je-hodao-i-pucao-po-svima%2F2461170.aspx

https://twitter.com/OurEarthAffairs/status/1655011979805839362?ref_src=twsrc%5Etfw%7Ctwcamp%5Etweetembed%7Ctwterm%5E1655011979805839362%7Ctwgr%5E6fcb037a1a7848940ad2541e56ec021ef777a0bf%7Ctwcon%5Es1_&ref_url=https%3A%2F%2Fwww.index.hr%2Fvijesti%2Fclanak%2Fvideo-u-pucnjavi-u-teksasu-ubijeno-9-ljudi-samo-je-hodao-i-pucao-po-svima%2F2461170.aspx

https://twitter.com/IntelPointAlert/status/1654956042583699456?ref_src=twsrc%5Etfw%7Ctwcamp%5Etweetembed%7Ctwterm%5E1654956042583699456%7Ctwgr%5E84c2844260bf3870fa65731c42b15ccf7d23da65%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F4157268%2Fpucnjava-u-teksasu-ljudi-panicno-beze-iz-trznog-centra-u-predgradju-dalasa-sture-informacija-o-povredjenima