Real Madridi fiton Kupën e Mbretit për herë të parë pas gati një dekade

Real Madridi e ka fituar Kupën e Mbretit për herë të parë pas gati një dekade, duke mposhtur në finale Osasunan në stadiumin e Sevillës, La Cartuja me reuzltat 2-1.

Vetëm dy minuta kaluan nga starti i ndeshjes dhe Los Blancos kaluan në epërsi me golin e Rodrygos që u asistua prej Vinicius Junior.

Madrilenët vazhduan me sulme në drejtim të portës së Osasunas, derisa në minutën e 25-të, Karim Benzema nuk ia doli të mposhte Sergio Herreran që bëri një pritje fantastike.

🚀😳

— Real Madrid C.F. (@realmadrid) May 6, 2023

David Alaba (32’) lëshoi po ashtu një mundësi ideale, me goditjen e tij që shkoi mbi portë.

Kaluan vetëm tre minuta nga rasti i austriakut dhe Vinicius Junior bëri të njëjtën gjë me goditjen e tij që fluturoi jashtë.

Fillimi i pjesës së dytë ishte një makth për Los Blancos, pasi në minutën e 58-të, Lucas Torro e mposhti Thibaut Courtoisin për t’i barazuar shifrat në 1-1.

🕙 58' | ¡¡GOOOOOOOOOOOOL!! ¡¡LUCAAAAAAAAAAS!! ¡GOOOOOOOOOOOOOOOOOL! ¡¡LUCAAAAAAAAAAAS!! (1-1).#CuestiónDeAlma | #CopaDelRey | #RealMadridOsasuna pic.twitter.com/wURWBmjaJM

— C. A. OSASUNA (@Osasuna) May 6, 2023

Mirëpo, Rodrygo ishte sërish heroi i Real Madridit, pasi e riktheu epërsinë e tyre në minutën e 70-të dhe nuk lejoi që ndeshja të shkonte në vazhdime.

Kjo është Kupa e parë e Mbretit për Real Madridin që nga viti 2014, atëherë kur kishin mposhtur Barcelonën në finale.

⚽ 70' | 2-1 | ¡¡¡GOOOOOOOOOOOOOOOOOOOOOOL de @RodrygoGoes!!!#FIFA23 | #CopaDelRey pic.twitter.com/fpanLb74MD

— Real Madrid C.F. (@realmadrid) May 6, 2023

Madrilenët po ashtu janë duke garuar edhe për të mbrojtur titullin e kampionit të Evropës, ku takohen në gjysmëfinale me Manchester Cityn në ndeshjen e parë që luhet javën që po vije, ndërsa në La Liga mund të thuhet se janë mposhtur nga katalunasit. /Telegrafi/