Tyson Fury nis bisedimet për t’u përballur me një kundërshtar befasues

Tyson Fury thuhet se ka hapur bisedimet me boksierin që e mposhti Joe Joycen, Zhilei Zhang për një luftë për titullin WBC.

Kinezi 40 vjeçar mundi Joyce me nokaut teknik në raundin e gjashtë pasi britaniku pësoi një lëndim të rëndë në sy.

Zhang fitoi titullin e përkohshëm WBO në peshën e rëndë duke mposhtur Joycen, i cili më parë kishte qenë i pamposhtur si profesionist.

Titulli e bën Zhang sfiduesin e detyrueshëm të WBO ndaj Oleksandr Usyk, megjithëse ukrainasi fillimisht pritet të përballet me britanikun Daniel Dubois.

Promovuesi i Furyt, Bob Arum i tha Ringside Reporter: “Ne jemi duke u fokusuar te djaloshi kinez që mundi Joe Joyce, Zhilei Zhang, ai është kryesuesi për atë luftë”.

“Ka të ngjarë për korrikun, ne po përpiqemi ta mbyllim atë gjatë kësaj fundjave”, ka shtuar ai.

Lexo po ashtu Usyk e pranon se ishte "shumë i lumtur" kur lufta me Furyn dështoi

Ndërsa Zhang kishte thënë: “Më pëlqen të sfidoj më të fortët. Siç thashë para luftës, vetëm duke mposhtur më të fortët mund të bëhet më i fortë”.

“Dhe tani, njerëzit ndoshta mendojnë se unë nuk jam mjaftueshëm i fortë, sepse ka kampionë të vërtetë boksi mbi mua, si Tyson Fury dhe Anthony Joshua”.

“Edhe pse Joshua nuk është kampion tani, ai e ka zotëruar sportin dhe ka sunduar për shumë vite”.

“Ata janë të gjithë luftëtarë të fortë. Kështu që unë dua të sfidoj ndonjë prej tyre. Në këtë mënyrë, gradualisht mund të bëhem më i fortë”.

“Unë do t’u tregoj të gjithëve, do t’i tregoj botës, të gjithë tifozëve të boksit, fuqinë kineze”, ka shtuar më tej ai.

Lexo po ashtu Promovuesi i Oleksandr Usyk sërish thumbon Tyson Furyn: E bëri përsëri në pantallona

Gypsy King dukej i interesuar për të luftuar kundër Oleksandr Usyk në atë që do të kishte qenë përballja e parë e padiskutueshme që nga Lennox Lewis kundër Evander Holyfield në 1999, me Usyk madje që pranoi një ndarje 70/30 në favor të Furyt.

Por, me asnjërnën nga kampet që nuk ishte në gjendje të vendoste në letër detajet më të vogla të kontratës – duke përfshirë kushtet për klauzolën e revanshit – të dy ekipet u larguan, duke e lënë planin e Furyt plotësisht të hapur për luftën e tij të radhës. /Telegrafi/