Tjetër sulm masiv, tetë të vrarë nga të shtënat në disa fshatra të Serbisë

Të shtënat e dyta masive në 48 orët e fundit kanë ndodhur në Serbi.

Në afërsi të Mlladenovcit, i dyshuari Uros B., ka qëlluar me armë zjarri nga një veturë në lëvizje.

Lexo po ashtu Vrasja e nëntë personave nga adoleshenti serb - askush në botë në atë moshë nuk vrau më shumë njerëz

Ai qëlloi në tre lokacione të ndryshme në fshatin Dubonë, duke lënë të vdekur tetë persona, raporton nova.rs.

Sipas informacioneve jozyrtare nga terreni, të shtënat kanë nisur pas një mosmarrëveshje në oborrin e shkollës, pas së cilës i dyshuari ka shkuar në shtëpi për të marrë një armë dhe ka filluar të shtijë.

Nga të shtënat kanë mbetur të vrarë një polic dhe motra e tij, ndërsa identiteti i viktimave të tjera nuk dihet.

Uroš B. është larguar nga vendi i ngjarjes dhe kërkimet për të janë duke vazhduar që nga mbrëmë. Sipas banorëve vendas, gjatë natës janë dëgjuar helikopterë duke fluturuar mbi zonë.

Lexo po ashtu Vriten tetë persona në Serbi, dëshmitar i rastit tregon se si ka filluar krimi masiv

Të mërkurën, një djalë 13 vjeç dyshohet se vrau tetë nxënës dhe një rojë të sigurisë në një shkollë në qendër të Beogradit.

Sulmi bëri që Qeveria e Serbisë të propozojë kufizime më të ashpra për posedimin e armëve.

Të shtënat masive janë relativisht të rralla në Serbi, por zotërimi i armëve në vend është ndër më të lartit në Evropë. /Telegrafi/

View this post on Instagram

A post shared by 192.RS (@192_rs)