Një i vdekur dhe tre të plagosur në një sulm të armatosur në Atlanta

Një person ka mbetur i vrarë dhe të paktën tre janë plagosur në një sulm të armatosur në një ndërtesë në qendër të Atlantës, një qytet në jug të SHBA-së, njoftoi policia.

Askush nuk është ndaluar deri më tani ndërsa policia ka njoftuar se situata është e paqëndrueshme, raporton nypost.

Policia tha se po kërkon të dyshuarin dhe viktima të tjera të mundshme. Tre persona të plagosur u dërguan në spitale ndërsa personi i katërt u shpall i vdekur në vendin e ngjarjes.

Ky sulm me armë vjen në një kohë kur shumë qytete amerikane po përballen me rritjen e numrit të vrasjeve.

Policia ka publikuar një imazh të personit që besohet të jetë sulmuesi. Personi kishte veshur pantallona të errëta dhe një xhup me kapuç ngjyrë të çelur, me një maskë në fytyrë.

Autoritetet besojnë se personi është i armatosur dhe i rrezikshëm ndërsa i kërkuan kujtdo që ka informacion për personin që të kontaktojë me ta. Ata gjithashtu u bënë thirrje qytetarëve në zonën ku ndodhi sulmi që të sigurojnë ndërtesat e tyre dhe të strehohen. /Telegrafi/

*Suspected shooter*
Cobb officers continue search in Vinings, Cumberland, Truist Park areas. https://t.co/71s1e2iQqg

— Cobb County Police Department (@CobbPoliceDept) May 3, 2023