Gjermania do të krijojë një nga “regjimet më moderne të emigracionit në Evropë”, për të trajtuar një mungesë të përkeqësuar të profesionistëve, që rrezikon të bëhet një “frenim i vërtetë për rritjen ekonomike”, ka thënë Ministri i Punës i vendit.
Legjislacioni që pritet të miratohet nga Bundestagu në javët në vijim, do ta bëjë shumë më të lehtë për punëtorët e huaj të sigurojnë punë në Gjermani, duke hequr shumë nga pengesat rregullatore për emigracionin.
Por, disa grupe biznesi thonë se kjo nuk shkon aq larg sa duhet.
“Është shumë burokratike. Kërkesat për njohjen e gjermanishtes, për shembull, janë të tepërta”, tha Thilo Brodtmann nga VDMA, një organ tregtar i industrisë së makinerive.
Në javët e fundit, mungesat e fuqisë punëtore pothuajse kanë zëvendësuar pengesat e zinxhirit të furnizimit, si kufizimi kryesor në prodhim, për shumë kompani në të gjithë Europën, dhe veçanërisht në Gjermani.
Mungesa e punëtorëve po kufizon prodhimin në 42 për qind të kompanive të shërbimeve gjermane, 34 për qind të grupeve të saj industriale dhe 30 për qind të kompanive të ndërtimit.
Një studim i Institutit Ekonomik zbuloi se numri i vendeve të lira të punës në Gjermani, për të cilat nuk mund të gjendej asnjë person i papunë i kualifikuar, arriti në 630 mijë rekord në vitin nga 280 për qind që ishte më 2021.
Ekspertët mendojnë se mungesa e aftësive ka kontribuar gjithashtu në valën e fundit të grevave, që ka paralizuar rrjetin hekurudhor të Gjermanisë dhe ka mbyllur disa nga aeroportet e saj më të mëdha.
Ligji i ri i qeverisë për Emigracionin, do t’i lejojë njerëzit të shkojnë në Gjermani për punë edhe pa një kualifikim profesional gjerman.
Gjermania do të prezantojë gjithashtu “Kartën e Mundësive” që lejon njerëzit të fitojnë pikë bazuar në formimin dhe përvojën e tyre profesionale, nëse kanë lidhje me vendin e punës, flasin gjermanisht dhe janë më të rinj se 35-vjeç.
Një projekt-ligj tjetër, që do të dorëzohet së shpejti në Bundestag, do ta bënte shumë më të lehtë për të huajt marrjen e nënshtetësisë gjermane dhe do t’i lejonte ata të mbajnë pasaporta të tjera përveç asaj gjermane – aktualisht e pamundur për shtetasit jashtë BE-së. /Telegrafi/
Promo
Reklamo këtuLufta Prigozhin - Putin
Më shumëNga qershori Aeroportit të Prishtinës i shtohet edhe një linjë e re fluturimi
Një epokë e re e transformimit digjital: IPKO prezanton pakot PRIMA dhe aplikacionin IPKO TV
Relaksim në përjetësi, me “Holiday In 2” t’gjitha i ki
Fito udhëtim në çift me IP Petrol!
Respekti dhe vlerësimi i punëtorëve refletojnë në suksesin e Emona Center
Klinika Amerikane “Dr. Behar Kusari” për herë të parë sjellë në rajon trajtimin pa dhimbje me Laser të Hemorroideve, Fistulave dhe Sinuseve Pilonidalis
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit