Albumi i ri i Bebe Rexhës bëhet i pesti më i dëgjuari në botë aktualisht

Këngëtarja shqiptare me famë botërore, Bebe Rexha, ka publikuar ditë më parë albumin e saj të tretë në karrierë, të vetëttiulluar “Bebe”.

Albumi përmban gjithsej 12 këngë, tri prej të cilave janë bashkëpunime me emra të njohur të muzikës ndërkombëtare si: David Guetta, Snoop Dogg dhe Dolly Parton.

Menjëherë pasi ka dalë në shitje, albumi i artistes shqiptaro-amerikane ka filluar të ngjitet lart në top listat ndërkombëtare të muzikës.

Aktualisht ai renditet si albumi i pestë më i shitur në nivel global, sipas matësit të platformës muzikore iTunes.

Lexo po ashtu Bebe Rexha në intervistë për Rolling Stone flet për mizogjininë në kulturën shqiptare: Burrat flasin dhe hanë të parët, gratë trajtohen si njerëz të dorës së dytë

E lumtur për suksesin, 33-vjeçarja ndau me ndjekësit në Twitter një njoftim të këtij suksesi, duke qenë falënderues ndaj të gjithë atyre që po e mbështesin albumin e saj të ri.

🔝 🔟 ALBUMS ON 🌎 ITUNES
1⃣First Two Pages of Frankenstein – #TheNational
2⃣D-DAY – #AgustD
3⃣72 Seasons – #Metallica
4⃣That Feels Good – #JessieWare
5⃣Bebe – Bebe Rexha
6⃣Blood Orange – #FreyaRidings
7⃣Electric Sun – #VNVNation
8⃣25 – #Adele
9⃣Damn Love – #KipMoore
🔟Random… pic.twitter.com/S06aOLHiYl

— World Music Awards (@WORLDMUSICAWARD) April 29, 2023

“Bebe” iu pason dy albumeve të mëparshme në karrierën e Bebe Rexhës, “Better Mistakes” në vitin 2021 dhe “Expectations” në vitin 2018. /Telegrafi/