Nuk e ftoi në festë, Labi e quan mosmirënjohëse Dafinën dhe tregon krisjen e raportit me të

Moderatori i njohur Labinot Gashi (Labi) dhe këngëtarja Dafina Zeqiri ruanin një miqësi shumë të mirë.

Por mesa duket një raport i tillë shumë i afërt nuk ekziston më dhe kjo u pa me mungesën e Labit në festën gjigante të ditëlindjes së Dafinës.

Pikërisht atë ditë, Labi bëri një postim në Instagram me fjalën “mosmirënjohje”, duke i bërë ndjekësit të aludojnë se ishte një thumb indirekt për Dafinën.

I pyetur në një intervistë të fundit për Prive, moderatori i emisionit “1 kafe me Labin” tregoi se postimi nuk ishte rastësi dhe nuk është se i dedikohej vetëm Dafinës, por shumë personave.

“Nuk ke rastësi, por nuk ishte vetëm për të [Dafinën], por për krejt njerëzit e tjerë. Në fakt, ja ku po e them tani nuk ishte vetëm sepse në festë nuk ishte Labi, nuk pash shumë njerëz që ishin në fillimet e hershme të Dafinës, nuk isha veç unë, pro patë”, tha ndër të tjerash Labi.

Lexo po ashtu Blero me deklarata bombastike ndaj Afronës, thotë se u nda vetëm për paratë: Sa kisha, isha i bukur ndërsa kur u kufizuan jam parë si i keq

Tutje, prezantuesi me prejardhje nga Peja u shpreh se nuk duhet harruar asnjëherë ndihmën e dhënë në fillimet e karrierës – gjë të cilën ai nuk e ka kursyer për asnjë artist.

Ndërkohë, edhe vet Labi thotë se është mirënjohës ndaj atyre që ia zgjatën dorën që në fillim, në rastin konkret Radio Televisioni 21.

“Po e flas haptazi për shkak se as unë nuk i harroj njerëzit që në fillimet e mia të karrierës më kanë përkrahur”, theksoi Labi.

Por i njëjti e përjashtoi faktin që të ketë ndonjë person nga estrada me të cilin nuk flet, duke thënë se nuk e kursen një përshëndetje as me ata që nuk i ka raportet shumë të mira. /Telegrafi/