Nick Carter përballet me akuza për dhunë seksuale ndaj këngëtares Melissa Schuman

Nick Carter përballet me akuza për sulm seksual nga këngëtarja Melissa Schuman në një padi të re për një incident të vitit 2002 që ndodhi në Santa Monica, Kaliforni.

43-vjeçarei, sipas dokumenteve ligjore të shqyrtuara nga TMZ, u akuzua nga Schuman, 38 vjeç, se e detyronte të kryente akte të seksit oral në një kohë kur ai ishte 22 vjeç dhe ajo 18.

Schuman tha se përvoja e saj e parë seksuale ishte me Carterin, raportoi media, pavarësisht se ajo insistoi se nuk donte të bënte seks derisa të martohej, shkruan DailyMail.

Beteja ligjore kundër anëtarit të “Backstreet Boys” vjen më shumë se pesë vjet pasi Schuman, dikur anëtare e grupit “Dream”, paraqiti një kallëzim kundër Carter në Departamentin e Policisë në Santa Monica, por prokurorët nuk e ndoqën çështjen në atë kohë.

Në paraqitjen e padisë së re, Schuman përmendi një projekt-ligj të ri në Kaliforni që lejon heqjen e statutit të kufizimeve për paditë civile, pasi ajo shpreson që një gjyqtar të shqyrtojë informacionin në këtë çështje.

Lexo po ashtu Të gjitha lajmet nga Nick Carter

Carter ka mohuar të gjitha akuzat e bëra nga Schuman. Në shkurt, Carter emëroi Schuman në një padi prej 2.3 milionë dollarësh kundër Shannon Ruth, e cila gjithashtu e ka akuzuar Carterin për sulm seksual, raportoi TMZ.

Avokatja e tij, Liane K. Wakayama, i tha TMZ në një deklaratë në lidhje me lëvizjet e fundit ligjore: “Melissa Schuman ka qenë duke e shitur këtë përrallë për shumë vite, por pretendimi i saj ishte i rremë kur ajo e bëri atë për herë të parë në 2017 – dhe është ende kështu”.

Wakayama i tha gazetës se ‘një gjykatës në Nevada kohët e fundit vendosi, pas shqyrtimit të provave të gjera që kemi paraqitur, se ka arsye të forta që Nick Carter të vazhdojë me padinë e tij kundër zonjës Schuman për komplot për të dëmtuar, shpifur dhe zhvatur Nick, bashkëpunëtorët, miqtë dhe familjen e tij’.

Avokati i Carter tha se lëvizja e fundit ligjore nga Schuman në lidhje me sulmin e supozuar ‘është njëherësh i parashikueshëm dhe patetik’ mes përparimit të vazhdueshëm në proceset gjyqësore në Nevada.

Ajo e quajti paraqitjen e fundit të Schuman një “marifet PR” dhe u zotua se kjo nuk do ta shpërqendrojë këngëtarin “nga vendosmëria e tij për të kërkuar llogari nga zonja Schuman dhe bashkëpunëtorët e saj për dhimbjen dhe vuajtjet e pafundme që ka shkaktuar sjellja e tyre zhvatëse”. /Telegrafi/