Nëse e humbin betejën për qiellin, pasojat do të jenë shumë të rënda për Ukrainën

Një nga zbulimet më të habitshme prej dokumenteve të klasifikuara të zbuluara është se forcave mbrojtëse ajrore të Ukrainës rrezikon t’iu mbarojë municioni brenda javësh, shkruan New York Times, gjë që mund të ndryshojë rrjedhën e luftës.

Një nga dokumentet detajon se si sistemet e mbrojtjes ajrore të epokës sovjetike të ukrainasve S-300 do të shterohen deri më 2 maj në shkallën e tyre aktuale të përdorimit. Nuk është e qartë nëse shkalla e përdorimit ka ndryshuar që atëherë.

Aeroplanët luftarakë rusë dhe bombarduesit që do të kenë më shumë opsione për të sulmuar forcat ukrainase mund të jenë një sfidë e madhe për Kievin, raportoi Times, duke cituar zyrtarë të lartë ushtarakë, citon theguardian.

Yuri Ikhnat, zëdhënës i forcave ajrore të Ukrainës, nuk komentoi në mënyrë specifike mbi informacionin, por i tha Wall Street Journal se Ukraina përballet me sfida serioze rreth furnizimit me municione sovjetike S-300.

“Nëse e humbim betejën për qiellin, pasojat për Ukrainën do të jenë shumë të rënda”, tha ai për gazetën.

“Kjo nuk është koha për zvarritje”, shtoi ikhnat, duke u kërkuar aleatëve perëndimorë që të shpejtojnë ndihmën e tyre. /Telegrafi/