Nën regjinë e Karim Benzemas, Real Madridi demolon Valladolidin

Real Madridi ka triumfuar 6-0 ndaj Real Valladolidit në kuadër të javës së 27-të në La Liga.

Fillimisht, Rodrygo shënoi për 1-0 në minutën e 23-të, me një asistim të Marco Asensisos.

Më pas ishte i gjithë spektakli i Karim Benzemas që realizoi het-trik për shtatë minuta.

⚽ 29' | 2-0 | ¡¡¡GOOOOOOOOOOOOOOOOOOOOOOL de @Benzema!!!#RealMadridRealValladolid | #FIFA23 pic.twitter.com/lcC8Cs12yM

— Real Madrid C.F. (@realmadrid) April 2, 2023

Goli i tij i parë erdhi në minutën e 29-të, kur Vinicius Junior asistoi te francezi që realizoi për 2-0.

Të dytin, fituesi i Topit të Artë e shënoi në minutën e 32-të, kur u asistua nga Rodrygo.

⚽ 36' | 4-0 | ¡¡¡GOOOOOOOOOOOOOOOOOOOOOOLAZO de @Benzema!!!#RealMadridRealValladolid | #FIFA23 pic.twitter.com/y7XnT51MxL

— Real Madrid C.F. (@realmadrid) April 2, 2023

Braziliani e asistoi edhe një herë Benzeman (36’), që kompletoi het-trikun e tij dhe për rezultatin 4-0.

Me kaq përfundoi edhe pjesa e parë, derisa në të dytën u shënuan edhe dy gola të tjera.

⏸️ DC: @realmadrid 4-0 @realvalladolid
⚽ @RodrygoGoes 22', @Benzema 29', 32', 36'.#RealMadridRealValladolid pic.twitter.com/6ZuLQAAOFS

— Real Madrid C.F. (@realmadrid) April 2, 2023

Rodrygo kishte menduar në minutën e 66-të se kishte shënuar golin e tij të dytë në këtë takim, por VAR-i e anuloi për lojë me dorë.

Mirëpo, për 5-0 u përkujdes Asensio në minutën e 73-të, që u asistua pikërisht nga braziliani.

⚽ 72' | 5-0 | ¡¡¡GOOOOOOOOOOOOOOOOOOOOOOL de @marcoasensio10!!!#RealMadridRealValladolid | #FIFA23 pic.twitter.com/FZOy6GxV0l

— Real Madrid C.F. (@realmadrid) April 2, 2023

Los Blancos nuk u ndalën me kaq dhe shënuan ehde të gjashtin, tani përmes Lucas Vazquez në minutën e 90+2-të, me një asistim të Eden Hazard.

Pas javës së 27-të, Real Madridi gjendet në vendin e dytë me 59 pikë, ndërsa në xhiron e 28-të do të ketë punë me Villarealin. /Telegrafi/