Pjesa më e madhe e dëshmisë së dëshmitares së dytë në gjykimin kundër Pjetër Shalës është dëgjuar në seancë të mbyllur për publikun. Ajo është përgjigjur në pyetjet e prokurorisë rreth periudhës që ajo pretendon se disa pjesëtarë të UÇK-së kishin shkuar në shtëpinë e saj.
Dëshmitarja e Zyrës së Prokurorit të Specializuar ka thënë se kishte biseduar me dy persona, ndërsa të tjerët, sipas saj, ishin jashtë oborrit të shtëpisë.
“Kemi qenë brenda e gjithë familja, vetëm djali i vogël ka qenë në oborr, jashtë shtëpisë. Ka thënë, disa njerëz kanë ardhur, kanë hyrë në oborr dhe të tjerët janë rreth gardhit. Kur kam dalë, aty ndërkohë kanë ardhur edhe dy kushërinj të mi. Dy që kanë hy në oborr, me ata kam biseduar, ata të tjerët kanë qenë më larg, dy metra larg shtëpisë, rrethojave të oborrit, dhe vetëm që i kemi parë, nuk i kemi njohur. Kanë biseduar me këta dy që kanë qenë në oborr. U kam kërkuar, u kam thënë: me leje të kujt keni ardhur me hy në oborr tonin? Kanë treguar, me lejen e shtabit të përgjithshëm në Jabllanicë”, ka thënë dëshmitarja me numrin 6.
Ajo ka thënë se ka biseduar vet me ata njerëz, por pjesa më e madhe e përgjigjes së saj ka qenë me përmbajtje të redaktuar.
“Aty kam filluar me bisedu, unë dhe djali, me të parin që ka hyrë dhe e kam njohur si person. I kam thënë qysh nuk të ka ardhur turp, me ardh me hy në oborr…(përmbajtje e redaktuar)”, ka thënë ajo, transmeton KP.
Tutje, seanca ka vijuar me përmbajte të redaktuar dhe e mbyllur për publikun.
Pas kësaj, dëshmitarja ka thënë se me sulmet e NATO-s, ajo dhe familja ishin larguar për në Shqipëri.
Atje, ka thënë ajo, ishin disa persona që i përcillnin.
“Ishin sulmet e NATO-s ato ditë, dhe policia ka thënë me shku për Shqipëri, në mesi ne gjithë popullit kemi shkuar edhe familja jonë…Ushtarët e UÇK-së që ishin në Shqipëri, ata na përcillnin”, ka thënë ajo.
Kjo dëshmitare do të vazhdojë të dëgjohet edhe në pjesën tjetër të seancës.
Para fillimit të kësaj dëshmie, Pjetër Shala ka vendosur të largohet nga salla e gjyqit.
Ai po mbahet në qendrën e paraburgimit në Hagë prej marsit të vitit 2021.
Sipas Speciales “Krimet për të cilat akuzohet z.Shala u kryen përafërsisht midis 17 majit 1999 dhe 5 qershorit 1999 kundër personave që u mbajtën të ndaluar në fabrikën e metalit në Kukës(Shqipëri), që pretendohet se përdorej prej Ushtrisë Çlirimtare të Kosovës”.
Pjetër Shala u arrestua më 16 mars 2021 nga autoritetet belge dhe u transferua në Hagë më 15 prill të atij viti, në bazë të një kërkese për bashkëpunim në zbatimin e fletë-arrestit dhe urdhrit për transferim lëshuar nga Dhomat e Specializuara të Kosovës.
Promo
Reklamo këtuLufta Prigozhin - Putin
Më shumëTë shtëna me armë zjarri në Prishtinë, dyshohet për një të vrarë - pesë të plagosur dërgohen në QKUK
Mysafirët nga Serbia e njoftojnë Kurtin: Beogradi po planifikon zhvendosjen e serbëve të Kosovës për në Sanxhak
Sot nis viti i ri shkollor, mësim gjithë-ditor në pesë shkolla të Prishtinës
Vrapi me pengesa i turizmit në Shqipëri: Rritja e pajustifikuar e çmimeve la shezlongët bosh
Shtatori nis me mot të nxehtë
Brenda dy javëve, mjekët duhet të vendosin nëse do punojnë në spitalet publike apo private
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Të shtëna me armë zjarri në Prishtinë, pesë të plagosur dërgohen në QKUK
Mysafirët nga Serbia e njoftojnë Kurtin: Beogradi po planifikon zhvendosjen e serbëve të Kosovës për në Sanxhak
Super gol i Edon Zhegrovës përballë PSG-së
Aktorja e famshme turke ka rrënjë shqiptare - flet me krenari për veshjet dhe ushqimet tradicionale
Formë e re e presionit ndaj Netanyahut - grevë e përgjithshme, ‘paralizohet’ gjithçka në Izrael
Vrapi me pengesa i turizmit në Shqipëri: Rritja e pajustifikuar e çmimeve la shezlongët bosh