Presidenti i Serbisë, Aleksandar Vuçiq, pas një takimi me ministrin italian Antonio Tajani, ka thënë se ai qëndron prapa atyre që ka thënë në Bruksel dhe Beograd, kur bëhet fjalë për marrëveshjen për normalizimin e marrëdhënieve me Kosovën.
Megjithatë, siç ka thënë ai – duke folur për marrëveshjen ndërmjet Kosovës dhe Serbisë – “nuk bëhet fjalë për anëtarësim në OKB dhe as për njohje”.
“Të tjerat që kanë të bëjnë me marrëdhënie normale mes serbëve dhe shqiptarëve, pa tensione, Serbia do t’i zbatojë, e nëse do t’i zbatojë dikush tjetër, ne do të shohim”, citohet të ketë thënë më tej Vuçiq, përcjell Telegrafi.
Ndryshe, në takimin në Ohër të Maqedonisë së Veriut më 18 mars, Kosova dhe Serbia u pajtuan për Aneksin e zbatimit të Marrëveshjes drejt normalizimit të raporteve mes tyre.
Edhe pse presidenti i Serbisë, Aleksandar Vuçiq, dhe kryeministri i Kosovës, Albin Kurti, nuk nënshkruan asnjë dokument në Ohër, ndërmjetësuesit evropianë thanë se presin që palët të zbatojnë gjithçka për të cilat u pajtuan liderët.
Marrëveshja, që njihet edhe si propozimi evropian, kërkon nga Beogradi që të mos e pengojë Kosovën të anëtarësohet në organizata ndërkombëtare.
Ndërkohë mediat serbe shkruajnë se Tajani ka thënë se “Italia dëshiron të jetë protagoniste në Ballkanin Perëndimor”.
Por presidenti serb ka kujtuar se Serbia nuk ndan të njëjtin mendim me Italinë, sa i përket Kosovës.
“Për Italinë Kosova është shtet i pavarur, për ne nuk është, por është detyra jonë të flasim dhe të ruajmë paqen dhe stabilitetin”, citohet të ketë thënë Vuçiq. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Meta me akuza të rënda ndaj Ramës: Ishte iniciator i procesit që synonte të asgjësonte Kosovën
Mbyllja e institucioneve financiare, Franca i bën thirrje Qeverisë së Kosovës të ndalojë çdo veprim të mëtejshëm në veri
Sekuestrimi i dinarëve në veri, avokati: Procedura gjyqësore mund të zgjasë me vite
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251