Filloi tri dekada më parë si biznes familjar, sot ‘Floil’ është fabrika e vetme për përpunimin e vajit në Kosovë
Fluidi Group kishte filluar tri dekada më parë si biznes familjar, sot “Floil” është shndërruar një ndër brendet kryesore të prodhimit vendor.
Si fabrika e vetme për përpunimin e vajit në Kosovë, drejtori ekzekutiv Berat Mustafa në një intervistë për Telegrafin me redaktorin e ekonomisë Albert Spahiu, thotë se në fabrikën e kompanisë gjendet teknologjia më e re në rajon.
“Floil është kompania e vetme për rafinimin e vajit në Kosovë. Ideja ishte që t’ia ofrojmë qytetarëve një vaj të kualitetit dhe cilësisë së lartë dhe prodhuesit vendor, jo që po i ofrojmë këta por eksportojmë edhe në rajon e në Amerikën e largët”, thotë Mustafa.
“Sigurisht gjatë zgjerimit, po rritemi me njerëz dhe teknologji të avancuar, e që nuk po na mungon teknologjia e fundit dhe kjo është një nga rafineritë më të reja në rajon”, shton ai.
Sipas tij, kompania Fluidi Group numëron 142 punëtorë me tendencë rritjeje.
“Floil është brendi i vajit, ndërsa kompania është Fluidi Group. Fluidi ka filluar qysh në vitin 1994, që fillimisht ka qenë prodhimi i lëngjeve, të cilat lëngje qytetarët tonë i konsumojnë që 30 vite. Duke e ditur se për shkak të konfeksionit islam në tryeza shtrohet lëngu jo vera apo rakia”, tha ai.
“Fillimisht kemi nisur me familjar e me një numër të vogël të punëtorëve, e sot kur po flasim kompania Fluidi Group numëron 142 punëtorë me tendencë rritjeje”, pohoi Mustafa.
Drejtori i Fluidi Group tregon se gjatë këtij viti do të nis studimi i fizibilitetit për shtrydhjen e farës së lulediellit.
“Këtë vit do të fillojmë me studimin e fizibilitetit me shtrydhjen e farës së lulediellit, që do të jetë shumë i rëndësishëm jo vetëm për kompaninë dhe për shtetin tonë. Bujqit tonë do ta kenë mundësinë që ta mbjellin në ara, e që ka mjaftë tokë, ku e kanë të sigurt shitjen në kompaninë tonë”, tregon ai.
Mustafa thotë se qytetarët e Kosovës duhet të jenë mirënjohës ndaj prodhuesve të Kosovës.
“Vështirësi konkrete nuk ka përkundër që vitin e kaluar ishte ajo sfida e nxitur nga lufta në mes Rusisë dhe Ukrainës, ku është krijuar një panik nga popullata, por ne si kompani kemi arritur që të ruajmë sasi të konsiderueshme për furnizimin e qytetarëve të Republikës së Kosovës”, thotë Mustafa.
“Qytetarët duhet të janë mirënjohës ndaj prodhuesve vendorë, pasi në secilën situatë ata kanë arritur t’ia dalin me produktet esenciale”, shtoi ai.
Në këtë intervistë, drejtori i Fluidi Group ka treguar se kapacitetet e rafinerisë së vajit janë 3 milionë litra.
“Lënda e parë vjen nëpërmjet maunave, ku kryesisht 90 për qind e vajit vjen nga Bullgaria dhe 10 për qind është nga Ukraina. Futet në rezervuare e që tërhiqet dhe dërgohet në rafineri, e që vazhdon në mbushje dhe paketim. Kapacitetet e rezervave janë 3 milionë litra”, ka përfunduar Mustafa. /Telegrafi/
Lufta Prigozhin - Putin
Më shumëNga Rubrika
Drejtori i Doganës së Kosovës në takim me drejtorët e përgjithshëm të doganave të Evropës
Osmani: Programi Kompakt, simbol i mbështetjes së SHBA-së për Kosovën
Lansohet programi Kompakti MCC-Kosovë mbi 236 milionë dollarësh për përmirësimin e energjisë elektrike
Lansohet programi Kompakti MCC-Kosovë mbi 236 milionë dollarësh për përmirësimin e energjisë elektrike
N’BAU krejt i gjen me zbritje këtë javë!
Kosova arrin vlerësimin e parë kreditor sovran, Rukiqi i LDK-së: Duhet të shqetësohemi për kategorinë BB-
Elon Musk është 36 miliardë dollarë më i pasur që nga kthimi nga udhëtimi i tij në Kinë
Rotary Club Prishtina Garden, klubi më i ri i Rotary në Kosovë
Relaksim në përjetësi, me “Holiday In 2” t’gjitha i ki
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vuçiq humb kontrollin gjatë konferencës, analisten amerikane Ivana Stradner e quan të çmendur
“Shko atje ku ka deve, kjo tokë është Evropë” – përplasje e ashpër mes Kelmendit dhe Shalës
Vëllai i Rrustem Llapit flet për vrasjen e serbit në Gjermani: Është zënë diçka ngushtë Rrusta, ai as shijen e alkoolit nuk e di
Pse SHBA-ja bleu 81 aeroplanë të vjetër sovjetikë nga Kazakistani?
Eksperti i leximit të buzëve zbulon fjalët që Salah ia tha Kloppit gjatë përplasjes së ashpër
Mësohet arsyeja pse Liverpooli vendosi kundër emërimit të Ruben Amorim si trajner të ri