UEFA rimburson paratë për tifozët e Liverpool që blenë bileta për finalen e Ligës së Kampionëve 2022

UEFA ka njoftuar se do të rimbursojë paratë për tifozët e Liverpoolit që blenë biletat për finalen e Ligës së Kampionëve të vitit 2022 të luajtur në Paris.

Vendimi vjen pas një raporti të pavarur të publikuar së fundmi, i cili thoshte se UEFA mban përgjegjësinë kryesore për skenat kaotike të parë para ndeshjes Liverpool-Real Madrid.

Tifozët u bllokuan dhe u spërkatën me gaz lotsjellës jashtë stadiumit të Parisit dhe fillimi i ndeshjes u vonua me 36 minuta.

UEFA will issue refunds to all 19,618 Liverpool fans who had tickets for the Champions League after what happened in Paris. pic.twitter.com/ygRtMIhYGg

— The Anfield Wrap (@TheAnfieldWrap) March 7, 2023

UEFA thotë se skema e rimbursimit “mbulon të gjitha biletat e blera nga tifozët e Liverpool për finalen, gjithsej 19,618 bileta”.

“Ne kemi marrë parasysh numrin e madh të pikëpamjeve të ndryshme të shprehura publikisht dhe privatisht dhe besojmë se kemi zhvilluar një skemë që është e drejtë. Jemi të vetëdijshëm për eksperiencën negative të tifozëve dhe do t’ua kthejmë paratë të gjithëve që kanë blerë bileta dhe kanë pasur vështirësi për të hyrë në stadium”, thuhet në njoftimin e UEFA-s.

UEFA plans to refund all Liverpool supporters who had tickets for the 2022 Champions League Final in Parishttps://t.co/Gi6oE2celt

— CNN International (@cnni) March 7, 2023

Liverpool është gjithashtu pjesë e një procesi për rimbursimin e tifozëve që blenë bileta direkt nga klubi, dhe jo nga UEFA. /Telegrafi/