Përplasja e dy trenave në Greqi, të mbijetuarit përshkruajnë ’10 sekondat tmerrues’

Të mbijetuarit kanë treguar për një “makth prej 10 sekondash” ndërsa vagoni i tyre i trenit u përmbys dhe u përfshi në flakë në një përplasje në Greqinë Qendrore.

Rrëfimet e tyre vijnë pasi të paktën 36 njerëz vdiqën dhe dhjetëra të tjerë u lënduan në përplasjen “kokë më kokë” midis dy trenave afër qytetit të Larissa, përcjell Telegrafi.

Dhe siç bëhet e ditur, vagonët e përparme të një treni pasagjerësh të përfshirë u shkatërruan kryesisht.

“Ne kemi dëgjuar një zhurmë të madhe”, ka thënë pasagjeri 28-vjeçar Stergios Minenis, i cili u hodh nga mbeturinat.

“… Kishte panik. Kabllot, zjarri. Zjarri ishte i menjëhershëm. Zjarri ishte në të djathtë dhe në të majtë”, citohet të ketë thënë Minenis.

Lexo po ashtu Jep dorëheqje ministri grek i transportit pas aksidentit hekurudhor në Greqi nga i cili mbetën disa të vdekur

“Për 10, 15 sekonda ishte kaos. Zjarre, kabllo që vareshin, dritaret e thyera, njerëzit që bërtisnin, njerëz të bllokuar”.

Treni i pasagjerëve ishte duke udhëtuar nga Athina në qytetin verior të Selanikut kur u përplas me trenin tjetër të mallrave.

Dhe ajo po përshkruhet si përplasja më e keqe e trenit që Greqia ka parë ndonjëherë.

Një hetim është nisur dhe policia thotë se ata kanë arrestuar një zyrtar kryesor të Stacionit Lokal në Larissa.

E të mbijetuarit tjerë kanë përshkruar skenat kaotike pas përplasjes, me një pasagjer të tronditur duke i thënë BBC: “Njerëzit ishin në panik dhe duke bërtitur – disa njerëz kishin frikë se do të vdisnin”.

Një tjetër i tha televizionit Skai se ai ishte me fat që shpëtoi “mjaft shpejt”, por “në vagonë të tjerë, ata nuk arritën të dilnin, dhe një vagon madje u përfshi nga zjarri”.

Disa pasagjerë thanë se ata ishin të detyruar të thyejnë dritaret e vagonët me bagazhet e tyre për t’i shpëtuar mbeturinave të djegura.

Lexo po ashtu Në vendin ku ndodhi aksidenti hekurudhor në Greqi, shpesh ndodhin tragjedi – shumë njerëz kanë vdekur aty  

Angelos Tsiamouras i tha transmetuesit grek Ert përplasja ishte si një tërmet, dhe ai shkatërroi dritaren e trenit duke përdorur valixhen e tij.

“Ne i thyem dritaret me trupin tonë”, ka thënë një tjetër pasagjer.

Ndërkohë një i mbijetuar, Lazos, i tha gazetës Protothema: “Unë nuk u lëndova, por u njollosa me gjak nga njerëzit e tjerë që u plagosën pranë meje”.

Siç bëhet e ditur shumë nga 350 pasagjerët në bordin e trenit të pasagjerëve ishin studentë në të 20-tat që ktheheshin në Selanik pas një fundjave të gjatë.

Ministri i Transportit, Kostas Karamanlis, tha se numri i saktë i të vdekurve është ende i paqartë, mes raporteve se janë 20-25 njerëz që ende mungojnë.

Karamanlis më vonë dha dorëheqjen mbi katastrofën, duke thënë se ai do të merrte përgjegjësi për “dështimet e gjata” të autoriteteve për të rregulluar një sistem hekurudhor që ai tha se nuk ishte i përshtatshëm për shekullin XXI. /Telegrafi/