Lukaku komplimentoi veten para kamerave për formën që ka – Marrotta e kritikoi para ndeshjes pasi belgu peshon 103 kg

Sulmuesi belg Romelu Lukaku shënoi golin e vetëm për Interin në ndeshjen kundër Portos (1-0) dhe paralajmëroi rikthimin e tij në formën e vërtetë me një skenë interesante që u pa pas ndeshjes.

Ai po përgatitej për një intervistë dhe me atë rast bëri një shaka për veten e tij.

Belgu e pa veten në monitorin e vogël dhe tha duke qeshur:  “Shiko sa në formë jam…!” dhe më pas shpërtheu në të qeshura pak para se të fillonin pyetjet e shtypit.

🚨 Post match Romelu Lukaku: “Wow, look at me up top… "I'm in great shape, mamma mia!”

He was joking with Matteo Barzaghi before his Sky Sports interview after the game.

(@MatteoBarzaghi) pic.twitter.com/5g4TeXml8f

— 𝖀𝖕 𝖙𝖍𝖊 𝕮𝖍𝖊𝖑𝖘! (@FOOTBALLWORLDXX) February 23, 2023

Megjithatë, drejtori sportiv i Interit, Giuseppe Marotta, ka folur para ndeshjes me Porton se si Lukaku nuk është në formë dhe se aktualisht peshon 103 kilogramë.

“Lukaku peshon 103 kilogramë dhe duhet të merret me këtë. Duhet të jetë i mirë fizikisht për të luajtur rregullisht. Nuk është ende dhe ende është në kërkim të formës më të mirë”.

“Trajneri vlerëson në fund se sa në formë është. Të gjithë lojtarët janë të rëndësishëm, si ata në ekipin e parë, po ashtu edhe ata në bankinë”, ka thënë Marotta.

Belgu shënoi një gol nga penalltia ndaj Udineses në xhiron e fundit, ndërsa tani ndaj Portos arriti të shënojë një gol vendimtar që do t’i rrisë edhe më shumë besimin./Telegrafi/