Pas 12 ditësh kërkime, Christian Atsu gjendet i vdekur nën rrënoja pas tërmetit të tmerrshëm në Turqi

Kanë kaluar 12 ditë nga tërmetet e tmerrshme që goditën Turqinë dhe po vazhdon ende kërkim shpëtimi i personave që kanë mbetur nën rrënoja.

Por futbollisti ganez Christian Atsu nuk e kishte fatin që të nxirrej i gjallë nga banesa e tij, pasi tani trupi i tij i pajetë është nxjerrë nga rrënojat.

Pas 12 ditëve kërkime të pandërprera, është konfirmuar vdekja e ish-sulmuesit ganez që ka bërë karrierë edhe te Chelsea, Newcastle United e Porto.

Cristian Atsu is dead. R.I.P 🙏 🇬🇭 https://t.co/5m0bwND2VY pic.twitter.com/z12q9aO9Qu

— Ekrem KONUR (@Ekremkonur) February 18, 2023

Atsu ishte pjesë e skuadrës turke Hatayspor, derisa ishte në banesën e tij në momentin që kishte ndodhur tërmeti dhe që nga ajo ditë përkundër përpjekjeve të mëdha nuk mundej të nxirrej i gjallë.

Ka qenë menaxheri i lojtarit, Nana Sechere që ka konfirmuar vdekjen e ish-reprezentuesit të Ganës.

“Me zemër të thyer më duhet t’iu njoftoj të gjithë dashamirësve që fatkeqësisht trupi i Christian Atsu u gjet këtë mëngjes”.

“Ngushëllimet e mia më të thella shkojnë për familjen dhe të dashurit e tij. Do të doja të përfitoj nga ky rast për t’i falënderuar të gjithë për lutjet dhe mbështetjen e tyre”, ka shkruar menaxheri i futbollistit.

It is with the heaviest of hearts that I have to announce to all well wishers that sadly Christian Atsu’s body was recovered this morning

My deepest condolences go to his family and loved ones. I would like to take this opportunity to thank everyone for their prayers and support

— Nana Sechere (@iAmNana7) February 18, 2023

Të gjithë familjarët e Atsu ndodhen në qytetin e Hatayt duke pritur nxjerrjen e trupit të ganezit.

Por përkundër se trupi i Atsu u gjet, në të njëjtën ndërtesë jetonte edhe drejtori sportiv i Hatayspor Taner Savut, por trupi i tij deri më tani ende nuk është nxjerrë. /Telegrafi/