Partia Demokratike e Kosovës sonte ka vendosur një projektor me reflektim në objektin e Qeverisë së Kosovës, ku shihen kryeministri Albin Kurti dhe ambasadori Martin Berishaj, me mbishkrimin “Qeveria Martini!”.
Deputetja e PDK-së, Eliza Hoxha ka thënë se qëllimi i këtij aksioni është të hidhet dritë mbi atë se kush në të vërtetë po e udhëheqë Qeverinë Kurti.
“Dhe, siç mund ta shihni, në fotografi janë Kryeministri Kurti dhe ambasadori me aferë, Martin Berishaj me një titull: Qeveria Martini! Në realitet, siç keni mundur të lexoni në mediat ndërkombëtare, ambasadori Martin Berishaj, me paratë që ka tërhequr nga kompania GEN-i me seli në Beograd, mbi 4.5 milionë euro, dyshohet se ka financuar fushatën e Lëvizjes Vetëvendosje. Rrjedhimisht, kjo është Qeveria Martini dhe jo Qeveria Kurti. Kjo, edhe për një arsye tjetër. Ka rreth një vit që kur ka shpërthyer skandali i madh rajonal, në të cilin Martin Berishaj është i përfshirë bashkë me mafian rajonale energjetike të Serbisë, dhe kryeministri Kurti nuk po ndërmerr asgjë. Përkundrazi, po e mbron me xhelozi dhe vendosmëri, si mik personal që e ka”, theksoi deputetja Hoxha.
PDK ka ftuar përsëri organet e drejtësisë që ta hetojnë aferën e ambasadorit Berishaj.
“Partia Demokratike e Kosovës u bën thirrje edhe një herë organeve të drejtësisë që të veprojnë. Kallëzimet penale dhe paditë që janë ngritur të qohen deri në fund. E po ashtu, të nisin edhe të tjera për dyshimet e ngritura. Kërkojmë nga kryeministri Kurti që ta shkarkoj ambasadorin Berishaj dhe ta sjellë sa më parë në Kosovë para drejtësisë. Në të kundërtën nuk mund ta meritojë kjo qeveri mbiemrin Kurti por mund të vazhdoj me mbiemrin Martinaj dhe ta festojë me Martini për ta festuar tutje”, tha Hoxha.
Ndërsa, kryetarja e Rinisë Demokratike të Kosovës, Arbnora Salihu tha se në këtë periudhë ku niveli i lartë i papunësisë po i shtyn të rinjtë të ikin nga nga vendi, Kosovën e përfaqëson një ambasador si Martin Berishaj, i cili po e dëmton imazhin e shtetit.
Salihu ka kërkuar nga kryeministri Kurti dhe presidentja Osmani ta shkarkojnë ambasadorin Berishaj.
“Kërkojmë nga kryeministri dhe presidentja që ta shkarkojnë ambasadorin Berishaj dhe ta sjellin para drejtësisë në Kosovë. Ne kemi nevojë për përgjegjësi dhe llogaridhënie, që të besojmë së në këtë vend ka shpresë dhe vend për drejtësi. Ndryshe, rinia do të vazhdojë të largohet nga Kosova duke dëmtuar të ardhmen e shtetit tonë”, tha ajo.
Promo
Reklamo këtuLufta Prigozhin - Putin
Më shumëPolicia e Kosovës gjen kamera në rrugët malore në kufirin Kosovë-Serbi
Tragjedia në Shkodër, prokuroria zbulon mesazhet ofenduese dhe tradhtinë në celularin e bashkëshortit të Alma Arrazit
FSK trajnohet për automjetet luftarake Vuran
Pas tre fëmijëve, gjendet edhe trupi i pajetë i Alma Arrazit në ujërat e Bunës
Mbi 1 milion qytetarë të regjistruar deri më tani në Kosovë
Gjendet trupi i fëmijës së tretë të mbytur në Lumin Bunë, vazhdojnë kërkimet për Alma Arrazin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'