Pas raportimit nga qytetarët, mbeturinat largohen nga Shtimja – rregullohet puseta në Ferizaj

Edhe gjatë muajit shkurt qytetarët kanë filluar t’i raportojnë problemet e tyre në platformën ndreqe.com, derisa ato kanë filluar të rregullohen nga organet komunale.

Me synim të ngritjes të qytetarisë aktive dhe llogaridhënies nga komunat, nga fillimi i këtij viti ndreqe.com dhe Telegrafi.com kanë filluar bashkëpunimin që raportimet e qytetarëve por edhe intervenimet e komunave të pasqyrohen drejtë dhe saktë.

Gjatë kësaj jave të shkurtit qytetarët e komunave të Shtimes dhe Ferizajt kanë raportuar problemet e tyre derisa nuk ka munguar reagimi i institucioneve lokale.

Raportimi për problemin me mbeturina nga qytetarët e Komunës së Shtimes është zgjidhur nga Komuna. Mbeturinat që ndotnin mjedisin dhe tregonin një pamje të shëmtuar të vendit janë larguar.

Edhe në Komunën e Ferizajt puseta është rregulluar nga Komuna e Ferizajt, pas raportimit të qytetarëve në platformën në fjalë.

Vazhdoni të raportoni për zgjidhje më të shpejt të problemeve në lagjen tuaj.

Platforma u mundëson qytetarëve të raportojnë lehtë dhe shpejt ankesat, ndërsa institucioneve komunale iu mundëson kanalizimin e këtyre kërkesave në një vend lehtë të qasshëm.

Aplikacioni ndreqe.com mund të shkarkohet nga sistemet IOS dhe Android.