Gjiganti i dikurshëm Trepça është në gjendje të rëndë financiare, sociale e politike, kështu ka sot thënë kryesuesi i Bordit të kësaj kompanie, Bahri Hyseni gjatë raportimit në Komisionin për Mbikëqyrjen e Financave Publike.
Sfidë tjetër për Trepçën mbeten edhe çmimet e larta të energjisë elektrike, pasi që kjo kompani është futur në tregun liberal energjetik. Drejtues të Trepçës kanë thënë se afarizmi i sotëm i kësaj kompanie është vetëm sa për të mbijetuar.
Gjatë shqyrtimit të Raportit të Auditorit për periudhën 2019-2021 për performancën financiare dhe operative në Trepçë, Hyseni ka potencuar se investimet kapitale janë të domosdoshme në këtë ndërmarrje. Ai ka shtuar se kjo kompani nuk mund të shkojë përpara pa investime kapitale.
“Nuk mundet Trepça pa investime kapitale të shkojë përpara, dhe ne nuk kemi forca akumuluese për shkak se Trepça ballafaqohet me borxhe të mëdha nga e kaluara. Këtu ndoshta është një lëshim i Zyrës Kombëtare të Auditimit, se në këtë rast është dashur me gjurmuar pak më shumë. Prandaj, e kemi vështirë të operojmë kur ne kemi çdo ditë trysni nga operatorët ekonomik ku secili kërkon pagesë. Sot, Trepça është në gjendje të rëndë edhe financiare, ekonomike, por edhe politike e sociale. U përmend këtu njësia e Trepçës në Leposaviq, ku sipas ligjit dhe statutit është njësi biznesore minierat me flotacion në Kopaonik dhe Leposaviq. Megjithatë, kemi avancuar në procesin e rivendosjes së raporteve, ku kemi një plan biznesi dhe marrim raporte vjetore. Kështu që kemi një komunikim që po insistojmë ngadalë ta inkuadrojmë në një njësi biznesore, e cila për arsye politike hezitohet të bashkëpunojnë ashtu siç e kërkon Ligji për Trepçën”, ka thënë Hyseni.
Kryeshefi ekzekutiv i kësaj ndërmarrje, Enis Abdurrahmani ani se ka potencuar se ka rritje të të hyrave financiare në periudhën e fundit, ai ka thënë se Trepça po punon sa për të mbijetuar.
“Aktualisht Trepça ka shumë sfida, një ndër to është kriza energjetike që atëherë kur kompania ka hyrë në tregun liberal. Sikur të mos kishim probleme me krizën energjetike dhe koston e lartë të saj, Trepça vitin 2022 do të përmbyllte me një bilanc rentabël. Kjo kompani ka rritur të hyrat financiare për 4 milionë euro, brenda vitit 2022 në raport me vitin 2021. Po ashtu, ka rritur prodhimin mbi 10 për qind, ka reduktuar shpenzimet operative për 18 për qind. Rezultati financiar i Trepçës për vitin 2021 ka qenë me 600 mijë euro humbje vjetore, ndërsa viti 2022 ka qenë vit rentabil. Ne jemi në mbijetesën ekonomike financiare, po punojmë për me mbijetuar, përderisa nuk vijnë investimet. A ka potencial? Ka shumë. Kemi miniera jo aktive me rezerva shumë të pasura, një ndër to është miniera e Hajvalisë, miniera e Drazhnjes dhe miniera e Badovcit”, ka theksuar Abdurrahmani.
Kryetarja e Komisionit, Hykmete Bajrami ka pretenduar se humbjet financiare mujore në këtë kompani janë të mëdha.
“Dua të di se sa janë humbjet mujore tash në këtë periudhë, po raportohet se mbi 600 mijë euro janë humbjet mujore në periudhën në të cilën flet raporti. Pra, a ka humbje tani, a është duke operuar edhe tani “Trepça” me humbje tani në momentin kur po flasim. Po ashtu u përmend se përkundër faktit që është rritë prodhimi, koncentrat ka 20 për qind më pak për shkak të vjetërisë së makinerisë”, është shprehur Bajrami.
Drejtues të Trepçës, kanë thënë se raporti i auditorit për periudhën 2019-2021 paraqet një gjendje reale dhe janë zotuar se do t’i zbatojnë të gjitha rekomandimet e dala nga Zyra Kombëtare e Auditimit. /KP/
Promo
Reklamo këtuLufta Prigozhin - Putin
Më shumëNga qershori Aeroportit të Prishtinës i shtohet edhe një linjë e re fluturimi
Një epokë e re e transformimit digjital: IPKO prezanton pakot PRIMA dhe aplikacionin IPKO TV
Relaksim në përjetësi, me “Holiday In 2” t’gjitha i ki
Fito udhëtim në çift me IP Petrol!
Respekti dhe vlerësimi i punëtorëve refletojnë në suksesin e Emona Center
Klinika Amerikane “Dr. Behar Kusari” për herë të parë sjellë në rajon trajtimin pa dhimbje me Laser të Hemorroideve, Fistulave dhe Sinuseve Pilonidalis
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit